Ṭaal – Thlanrawn – Tlangzar – Dokṭhek – Ramthlo – Chuncung cu: CNA / CDF / CNDF Kahcham asi tiah Lawyer Salai Thawngpi Ramhtlo nih a Facebook ah a tar

Chinland Ramri PDF An Ṭhawnnak Suttung Le Innkil Lung Hi NUG Asi Maw.

Ṭaal – Thlanrawn – Tlangzar – Dokṭhek – Ramthlo – Chuncung cu: CNA / CDF / CNDF Kahcham asi tiah Lawyer Salai Thawngpi Ramhtlo nih a Facebook ah a tar lang. CHINRAM caah Kahcham le Hauhraung Bantukin a fek mi PDF rual cu: Chinland Ramri velchum ah aum mi; Sakai le Makui PDF hna an si ve. Kalay – Kabaw – Gangaw – Ṭhilin le Kyaukhtoo kual chung um CDF / CNDF / CNA cu: cu kahcham ah Energy an si. Bo Nagar, Bo Saw, Bo Tanmani, Myaung, Pale, Hnankha, PDF Kalay, YDF, CDF – KKG, tbk um hna hlah sehlaw, Chinland let tampi in a intuar deuh lai.

Kannih CNA / CDF / CNDF cu ramthumnak um chin mi nih pumpi in bawmh kan si. CBAUSA (Falam) khi member 5000 an si. Minung pakhat nih $100 cio an thawh ahcun: 500000 USD asi cang. CNDF caah thinphang asi lem lo. Pumpak in aa zuam khawh mi le punghman thawhmi a um lai caah CNDF caah thlakhat USD 1 million hi a har lo. Kan duh ahcun; a nai te duh lo ahcun a hlat pi timi Falam hla vek sikem? CNA / CDF / CDM bawmhtu CBCUSA thazang cu a tampi lai. Nominate Committee tu hi 2008 Phunghrampi suai tu le MAH te Rallokap Sihni le Lawyers an lawh hna I asi ko. Chauvinism Kungcung hmin ansi ve bak ko. An bylaw le Policy cu Cakei bak asi ve ko. Justice & Peace Committee an ngeih mi hi, hnawmpung ah Nominate Committee nih an chiah rua.

Sakai le Makui (Chinland Ramri um) PDF hna khi NUG nih an bawmh hna lo. Bo Nagar nih Meithal le hriamnam, Vanlawng kahnak a hal hna I, NUG nih an bawmh duh lo. Singapore um Mah Irene nih NUG a hlik hna kha. Rolung a bunh hna. Bo Nagar nih ati mi cu: Vanlawng kahnak nan ka cawk piak khawh ahcun Nipidaw ka lak lai a ti nain, NUG nih an zumh lo maw asi, zeidik an bawmh duh bak ve lo. NUG kusale rual nih Bo Nagar ai ah Ralbawi le Luban si an duh ruang ah buaibai nak aum. Kusale rual nih NUG PDF ah kan in cohlan hna lo, kan in bawmh khawh hna lo an ti. NUG caah kusale ṭuan mi hna firkhut ruang ah Bo Nagar le NUG karlak ah a buai.

Sakai le Makui PDF bawmhtu bik tu hna cu: Zinan Mirum hna le Zinan khur cawhtu hna ansi. Myaung le Pauk Zinan khur tampi cu: Nikhat ah Zinan Phurnak Motor 2 tiang Zinan a chuak. Tlawr mirum le adang mirum hna bawmh mi cu aum ve ko lai nain a tlawm lai. Khurchung chuak Zinan cu Kerosine an ti. Cucu Singapore ah an kuat. Singapore nih Diesel le Petrol in an chuan i, Kawlram le Vawleipi pumpi ah an kuat hna. Singapore he aa pehtlaih mi Mirum hna cu MAH le Rallokap minung Crony pawl an si. Than Shwe fanu le a tefa hna hi Diesel le Patrol Co. Ltd chakhri merhtu an si. Man fawi tein Pauk le Myaung Zinan Mirum sin in an cawk hna I, Man tampi in Singapore ah an zuar. Kerosene in a miak an hmuh, Diesel le Patrol in, Singapore in a ra ṭhan mi in Amiak an hmuh rih. To hmun in let hnih in an I miak, Rallokap cu.

Zinan mirum hna le Zinan khur cawh tu hna nih Rallokap le MAH sin ah zuar an duh ti lo. An CDM ve. Anmah tein an chum i, Petrol le Diesel cu an sersiam. Cucu an zuar i, PDF (Pale, Myaung tbk) cu pumpi bawmh in an bawm hna. Zinan chum hi an PIPU chan in an thiam cang mi asi. CHINMI nih Zureu chum kan thiam dih bantuk kha an thiam ve.

Cucaah MAH nih Pauk le Myaung Zinan khur vialte telin, Chinland Ramri velchum, Sakai le Makui ram chuak Zinan khur vialte cu an duah piak dih hna. Tu thla chung zarh 2 lawng ah Zinan khur 200 mei an khangh piak cang hna. Cazin langh ter lomi tampi aum rih lai. Annih cu Zinan khur an khangh piak hna caah an Innlo a him deuh ve. Kannih CHINMI cu Zinan khur ai ah kan Innlo khangh piak kan si. CDF / CNDF / CNA bawmhtu cu ramthumnak ah aum mi an si caah, va tlaih le va thah awk a ṭha ve lo, an Innlo va hrawk khawh asi ve lo.

Kannih CHINMI mi sifah rual cu kan fanu le kan fapa le nih nunnak le thisen an pek. Kan innlo nih ciamh lak in Rallokap an doh ve. Mirum fanu fapa cu Maymyo, Rangoon ah Siang Inn an kai ter hna. Delhi le Malay, Bangkok, Korea, Japan, Singapore, tbk ah an kal ter dih hna. Kannih Mi sifah fa rual, Khuate Vangnau le Laikhal hna cu: CDF / CNDF ah kan fanu kan fapa kan kal ter hna. Ram le miphun caah kan fanu / fapa hlei in pek awk kan in ngeih tilo caah asi. Zeitintiah Mi sifah kannih nih Ram le miphun caah kan ti khawh mi cu hi hi asi ve. Suingun, Chawva le rumnak in kan ram le miphun kan chanchuah khawh ve lo caah, kan fanu le kan fapa le tu kan I thawh ve. Kan ral cu Bawipa thawng in kan TEI lai I, Kan ram a par tikah, Uktu Luban le hruaitu cu mirum fanau le Mi fimthiam fanau an si ko lai ti cu kan hngalh cia ve ko. Bawipa Sunparnak caah siseh law, kan ram le miphun zalen tuannak ah si hram ko seh. AMEN.

Credit-Zingtincuai Cinzah

Be the first to comment

Leave a Reply

Your email address will not be published.


*