Ralhrang Nih NLD Party Kong Ah Thawngpang Thar An Chim

Ralhrang pawl nih NLD party kong ah thawngpang thar an hun chim. A hlan ah khan NLD party cu hrawh a si lai timi thawngpang a um pah.

Myanmar ralhrang lei in thawngpang chimtu Zaw Min Tun cu media pawl nih NLD party kong ah bia an hal. NLD party hi nan hrawh lai maw tiah an hal.

Zaw Min Tun nihcun NLD party hi hrawh kan tim bal lo. Kan hrawk lai lo. A rau laimi kum 2023 August thla ah thimnak kan tuah lai i NLD party an i zuam lai maw zuam lo timi cu an mah party cung ah ai hngat ko tiah a chim. A sinain naitan ah NlD hruaitu Aung San Suu kyi cu mithat lainawng Min Aung Hlaing nih amui hmuh zong ka huam ti lo, thonginn chung ah khan a nun va hlim cang ko uh tiah bia a cah hna ti si hoi.

Ralhrang nih uknak an lak hnu ahhin NLD party riantuan tu minung 400 leng an tlaih hna. An tlaih mi hna hi NLD party hruaitu deuh an si hna. Pohmah a phunphun in taza an cuai hna i kum 3 thong tluk deuh ngawt an thlak hna.

Kum 2015 thimnak ah NLD nih party dang cu fak tuk in an tei hna. Kum 2020 thimnak zong ah party dang cu NLD nih fak tuk in an tei hna. Mee thlak ning a dik lo tiah ralhrang nih an ti caah uknak an lak.

Be the first to comment

Leave a Reply

Your email address will not be published.


*