KIA Pasaltha Pawl Nih SAC Ralhrang Chuak Kho Ti Lo In An Kulh Cang Hna

SAC Ralhrang uico pawl KIA nih chuak kho ti lo in an kulh hna caah Jetfighter bak in KIA a kah piak hna. SAC ralhrang cu an cei taktak. An chuah ter khawh bak ti hna lo caaj Jet Fighter an auh i mah nihcun KIA cu Bomb lian pipi in a thlak hna tiah theih a si.

Sezin peng Chainthat Aye khua ah SAC ralhrang uico 50 leng KIA nih an kulh mi hna cu nizan suimilam 9am tluk ah khan Jet Fighter in bomb voikhat, zanlei suimilam 7pm tluk ah voikhat tiin KIA cu a thlak hna.

SAC ralhrang nih nih voikhat a rak kan kah ah hin a tlawmbik voiruk a kan kah tiah KIa hmaikal pakhat nih a chim. Sezin khua pawng i KIA nih an kham mi hna SAC ralhrang pawl cu a tuhi rawl zong an chanh kho ti hna lo i thazaang zong an chap kho ti hna lo. Cun an ruak pawl zong an chuah kho ti hna lo caah a si khawhnak lam bik cu Raltuk vanlawng in kah piak lawng hi a si cang ko.

KIa nih an kah hna nih hi ni 4 a si cang i SAC ralhrang uico pawl hi a tlawmbik mimung 0 renglo an thi cang lai tiah hmaikal pakhat nihcun a chim fawn. A tutiang hi an i kap rih thiamthiam ko hna caah ralhrang pawl hi hinak tam an thi rih kho men tiah zumh a si.

July 18 Sezin khua pawng kahnak ah Ralhrang bawmh ding in Shan hriamtlai phukhat SNA zong 100 renglo ralhrang bawmh ah an kal i SAc ralhrang he cun a tlawmbik milu 20 hrawng an si hna i Homalinn le Phakanh ramri karlak ah KIA nih an kah than hna caah ceilak an thi rih lai tiah zumh a si.

Cun tulio Sezin khua pawng i a taap mi hrang pawl cu chanhchuah ding in SAC ralhrang nih vanlawng pali in ralhrang milu 200 tluk a kuat chap hna tiah theih a si. KNGNews

Be the first to comment

Leave a Reply

Your email address will not be published.


*