A nupi cu a hawipa he an tlaihhrem hnu ah an thah


Hi bantuk sual dan hi cu lungrawk a si ko. Kawlrammi U Naing Nuih (kum 32) nih a nupi bak a simi Daw Nay Chi (kum 35) cu Thailand ram ah a hawipa he an tlaihhrem hnu ah an thah.

December 27 ah khan Thailand- Myanmar ramri Ungphian khuate ah U Naing Nuih le a hawipa Naing Chit Thu cu zu an ri i, U Naing Nuih i a nupi Daw Nay Chi cu motorcycle in ramlak ah an kalpi.

U Naing Nuih nih a nupi cu a vuak i a hawipa cu tlaihhrem a fial. A hawipa zong nih Daw Nay Chi cu a tlaihhrem ve.

Daw Nay Chi cu a vapa U Naing Nuih nih a hrom in thi lak in a reh. A thih hnu zong ah U Naing Nuih nih a tlaihhrem chap.

Daw Nay Chi ruak cu ramlak ah an kaltak i U Naing Nuih le a hawipa Naing Chit Thu cu Kawlram lei ah an rak zaam.

Kawlram palik nih tlaih ding in an kawl ve hna caah Thailand ramchung ah an zaam than.

A hawipa Naing Chit Thu hi palik nih an tlaih khawh hmasa. Cu dih cun misual erlet U Naing Nuih cu zu a rit lio ah palik nih Jan. 3 ah an tlaih ve.

Mithahnak, tlaihhremnak le Thailand ramchung phungning loin khuasaknak timi sualnak pawl in tazacuai an si lai.



Source link

Add a Comment

Your email address will not be published. Required fields are marked *