A Poi bak e,SAC Ralhrang nih KNU Hmunhma chungah Mi Sawhsawh An Thah Mi Cazin An Chuah

KNU nih ralhrang uico pawl anmah hmunhma chungah a lutmi June thla chung i kahnak ah hliamtuar le a thimi le a rawkral mi innlo pawl cazin an chuah. Ralhrang le a tangti BGF hna nih June thla chung ah mi sawhsawh 12 an thah hna i minung 15 nih fakpi nhliam an tuar tiah an langhter.

KNU humhaknak Kawthulay hmunhma chung ah a lutmi ralhrang uico le BGF hna cu KNLA le kNDO karlak kahnak ruangah ah ralhrang lei nih mi sawhsawh 12 an thah hna i 15 nih fakpi in hliamhma an pu tiah an langhter. Ralhrang uico pawl nih mipi umnak hmunhma chungah hriamnam kah ruangah June thla chungah mipi umnak inn 75 , phungki disnginn pahnih a rawk tiah an langhter. Cun mipi inn 61 ralhrang le BGF nihcun mei in an khangh tiah an langhter.

Cun ralhrang le BGF pawl nih hin lam hmuhsaknak ding caah tiah misawhsaw hramhram in tlaih le mipi nih ngeihmi mitor pawl cu an thilril phorhnak ding caah hramhram in an chuh hna. Cun hriamnam ngan an kahnak ruangah mi sawhsaw pa 12 nunnak a liam. Hi chungah phungki pathian pakhat zong aa tel. Cun hliamtuar minung 15 an um tiah an thanh.

KNU nih humhaknak hmun a simi hna Duthahtu pengkomh tat/maha1, Taungngu pengkomh tat-maha 2 , Ngaunglaypin pengkomh tat-maha 3, Beih dawei pengkomh tat-maha 4, Mudaw pengkomh tat-maha 5 le Dupalaya pengkomh at-maha 6 hmun hma hna ah ralhrang he i kahnak a tuletu a chuak caah mipi pawl a himnak hmun ramlak ah sn zam dih hn tiah theih asi.

Be the first to comment

Leave a Reply

Your email address will not be published.


*