A Poi Tuk E- Chin ngakchia Kawl phungki ah an lut

Chin ngakchia Kawl phungki ah an lut. Nihin ah Kawlnu pakhat nih Chin ngakchia le Rakhine ngakchia cu phungki ah an lut tiah a Facebook ah a tial.

Mahhi ngakchia hi minung 8 an si. Phungki ah luhnak le lawmhnak an tuah piak mi hna an si. Rakhine le Chin ngakchia minung 8 ti lawng a tial caah Chin ngakchia zeizat an si a fiang lo.

Kawl ralkap nihhin nahtahlah timi sianginn an dirh. Cucu cozah budget in tuah mi sianginn a si. Tangcheu in tanghra tiang a um. Chinram ahcun Paletlet peng, Mindat peng le Tedim peng ah cu sianginn cu a tam.

Chinmi nulepa tampi cu fale sianginn kai ter khawh lo ruang ah phungki sianginn nahtahlah ahcun kan chiah hna i phungku ah an lut beh tawn. Kawl biaknak an cawnpiak hna i Kawl biaknak an biakter tawn hna.

Mah bantuk nahtahlah sianginn ruang ahhin Khrihfa Biaknak lei in le ramkhel lei in kan pa le an thin a phan tuk tawnmi cu a si. Nahtahlah ah ngakchia sianginn an kaiter sual hna lai tihi kan pale an thin a phan tuk tawnmi cu a si.

Mah bantuk phungki sianginn ah ngakchia  sianginn kaiter lo dingin Khrihfabu hna le Chin upa hna nih biatak tein an i zuam ko nain an tuah kho thlu ve tawn lo.

Nahtahlah sianginn cu Kawlram cozah nih a lak in zoh le kaiter an si tikah a fawi ngai. Cu ruang ah nulepa sifak tampi nih an fale sianginn an kaiter hna.

A tu ralhrang nih kan ram an uk hoi cang. Sifak ngakchia hna sianginn kainak kong ah lungre a thei. Cheukhat nulepa nih an fa le nahtahlah sianginn ah an chiah chinchin sual hna lai timi hi phan a um tukmi a si.

Hihi Kawl ralkap le Kawl cozah nih a thli tein Khrihfa hi Buhdish ah thlen an timh pengmi cu a si. Ngakchia in an thawk i an tuah mi asi.

Be the first to comment

Leave a Reply

Your email address will not be published.


*