A poi tuk e: Mah Zat Meithal Hi Ralhrang Uico Dih An Tlaih Dih Hoi Ko Cang

Yesagyo PDF nih an cahmi meithal an tlaih piak dih hna.
Chokhleipar

Mipiralkap PDF Yesagyo nih an cahmi meithal le kuan le hriamnam pawl an tlaih piak dih hna timi cu thil dik a si ko tiah Yesagyo pdf nih thawngthanhnak an tuah.

Tluangte in a phanhnak ding pakhat lawng a tang cang ko nain vanchiatnak ah motor thil pakhatkhat te a caan sual ruangah ralhrang nih an check i an tlaih dih hi a si tiah an thanh chih.

Hriamnam pawl hi PDF pawl nih ei isum in le a baumi phaisa an cawi chap i an cah mi a si. Hriamnam an tlaih dih mi cungah tangdornak he pehzulh in bawmhnak pek rih ding in Yesagyo PDF nih bawmhnaknak an tial chih.

Adang thawngpang relchap

Monywa ah nu pakhat inn misual nih an luhhnawh i phaisa nuai thong leng an fir lengah Sui sekyatthar tlang pakhat an lakpiak tiah theih asi.

An luhhnawh hi chung laicer pi ah asi. Inn i a um mi nu hi kum 30 cung nu a si. An tlaih i nu a hmai cu plastic in an khuh i kholhnak khan chungah an hrenhkhumh.

Cuticun phaisa cu an kawl i Khuatlawnnak bag chungah a chiah mi phaisa kyats nuai 1750 cu an lak i Witsein Sui tlang 10 kyatthar le phone pakhat cu an fir tiah theih asi. A caannak hmun ahcun ralhrang pawl an phanh i kawl hawlnak an tuah nain zeihmanh an hmu rih lo tiah pawngkam hna nih an chim.Ref-Chindwinpost

Be the first to comment

Leave a Reply

Your email address will not be published.


*