A poi tuk e-Nizan Tihni Yangon Khuachung Bomb Puah nak ah Chin Pa Aa tel

Yangon Bomb puahnak ah Chin pa hliam a tuar ve tiah theih asi.
Chokhleipar

Yangon mipi a chawkvak mi an tamtuk nak hmun pakhat ba lam hmataing ah May 31 i bomb puah nak ah hliamtuar mi chung in Chin pa kum 23 Tg Cin Sian Suum aa tel tiah Zalen nih a tial.

Tg Cin Sian Suum hliam a tuar ning cu a thin le a cuap ah a si i a tuhi Yangon Sizung pu ah an thop i a thin cu operation an tuah cang nain A cuap operation tuah than dingah an hngah lio a si tiah theih asi.

Tg Cin Sian Suum cu Kalaymyo ah khuasa mi an si i June thla chungah Singapor kal ding in Yangon in a hngak cuahmah mi asi. Mah bomb puak lio ah hin minung pakhat nunnak a rak liam i minung pa9 nih hliamhma an rak pu.

Ralhrang uico pawl nih mah bomb puak tu pawl cu PDF an si tiah an puh ko hna nain NUG le PDF nih kanmah tuah mi a si lo. Kan nih cu mipi harnak pek ding ah dothlennak a tuah mi kan si lo tiah a puak tlawmpal ah cathanh an chuah colh. Hi bomb puah nak hi ralhrang pawl nih an thluak in PDF le NUG huat nak seh tiah a thlithup in anmah nih an tuah mi a si lai tiah kawlram ralhrang cawlhcangh ning a ngiathlai ti phu nih an zumh ning asi. Ref-Zalen

Be the first to comment

Leave a Reply

Your email address will not be published.


*