A poi tuk – Uico Ralkap nih Khuami inn an khangh cuahmah e

Sagaing ramṭhen Yinmapin peng Layngoh(လည်ငေါက်) khua cu SAC ralkap nih nihin May 28, deilei suimilam 1 hrawng ah mei in an khangh, cuka pawng hrawng ummi khua hna zong hriamngan le hmanhme in an kah hna tiah theih a si.

SAC ralkap 50 hrawng he rallam sialtu hna nih khuachung cu mei in an khangh hnu zinglei suimilam 4:00 hrawng tiang khuachung an duhnak hmunpoh meithal in an kah tiah khuami nih an chim.

Cu ralkap hna cu Layngoh(လည်ငေါက်) khuachung ah zahan zaan in an phan cang i, khuachung ah umhmun an khuar caah khuami hna cu hmundang an umnak in khuachung ah tlung ngam lo in an um hna. SAC ralkap nih khuachung an khanghmi inn hi a zat fiang in theih a si rih lo.

Sagaing ramṭhen Yinmapin peng, Sihtantaw-gyi(ဆည်ထန်းတောကြီး) khua cu a luancia March 22 ah khan SAC ralkap nih an rak khangh caah inn 14 leng a rak kaang cang tiah theih a si.

Be the first to comment

Leave a Reply

Your email address will not be published.


*