A Poituk E~ Ralhrang Caah Thawngpang Tha, Australia, Germany le Brunei hna nih

Australia, Germany, Brunainram hna ah Min Aung Hlaing ralhrang nih an kuzale an chiah than khaqh cang hna caah ralhrang caah cun thawngpang tha ngai pakhat a hung si cang i mipi caah thawngpang chia ngai a hung si ve than.

Australia , Germany le Brunei ram hna nih Mayanmar Kuzale an auh than caah caan tawi riantuantu Kuzale kan chiah than cang hna tiah ralhrang lei chimphuannak ngeitu Zaw Min Htun nih a chim.

Australia, Germany le Brunei ram hna an si. Mah ramthum hna nih hin a liamcia thlahnih ah khan an tanzung ah caantawi kuzale an rak khanh hna. Curuang ah Press Conference hna ah ramleng vunci zung he pehpah in cheukhat ram hna nih cun ramkhat le tamkhat i pehtlaihnak kuzale lei an hun thumh deuh cang tiah kan rak tial mi hna a um. Kan nih cu anmah nih an tuah ning bantuk tein kan tuan lai. Hi hna ram pawl nih ramkhat le ramkhat i pehtlaihnak Kuzale an hun auh than caah kanmah zong nih cankarlak riantuantu pawl kan chiah cang hna i kuzale rian paql an tuanchuah cuahmah cang tiah Zaw Min Htun nih a chim.

Ralhrang nih mipi nawlngeihnak an hun lak hnu ah ram tampi hna nihcun ramkhat le ramkhat ibpehtlaihnak kuzale lei in dantatnak an rak tuah phah. Tutian ramkhatle ramkhat i pehtlaihnak Kuzale lei dantatnak ah hin Britain, Israel le a dang ram cheukhat an um rih mi cung ah lehrulhnak tuah nan i timh maw tiah Zaw Min Htun cu an hal tik ah fiangfai tein a leh hna lo. Ralhrang SAC hi nihin tiang ahcun UN zongah palai a nei kho lo tiang in tuah a si rih. Culawng silo in Asean meeting tiangah SAC ralgrang palai tel kho lo ding in nihin tiang an kham rih ko hna.

Be the first to comment

Leave a Reply

Your email address will not be published.


*