A Ropui Ko-FRF Nih Drone In Bomb Lian Takmi Ralhrang Hngakbuk An Kah

Depeyin khuapi pawng Kyuantaw ralhrang hngakbuk cu mipi ralkap nih drone in bomb liantakbmi he an thlak hnawh hna caah ralhrang pawl an lau doh ko.

Sagaing ramthen Depeyin khuapi pawng ralhrang uico pawl Kyuantaw hngakbuk gate cu Depeyin mipi ralkap PdF pakhat a simi Freedom Revolutin Force nih an va kah hna. Nihin Chun hnu suimilam 2 pm tluk ah Freedom Revolutin Force (FRF) nih an va kah hi a si.

Freedom Revolutin Force (FRF) phu hna nih dron in bomb an va thlah hna. Ralhrang pawl hi tam ngai an thi lai tiah zumh a si. A ruang cu drone in an va thlah mi bomb nih ralhrang hngakbuk gate hi a khen tiah KNG ah an chim.

Cuka hmun ralhrang hngakbuk gate ah hin ralhrang le a kuttang Pyusawhti phunpawl a tlawmbik minung 10 tluk an um lai tiah theih a si.

Hika hmun gate hi a liamcia kum 2021 August thla chung in an tuah that mi hngakbuk a si. Mah hngak pawl ralhrang hna nih mipi pawl a tlungkal mi hna ningcang lo in an tuahto lengmang hna tiah FRR phu nih cathanh ah an langhter.

A bik in motor in a kalmi pawl khi hramhram in phaisa an hal hna. A caah mipawl cu an hrem hna an tuk ton hna nak hngakbuk a si. Tutan kan kah mi he cun mah ralhrang gate cu boi nganak kan kah a si cang tiah FRG phu nih an thanh.Ref-KNG news

Be the first to comment

Leave a Reply

Your email address will not be published.


*