A Ropui Tuk- PDF Nih Ralhrang Pa 12 Thanye An Din Lio Ah An Kah Thah Dih Hna

Thanye an dinlio ah ralhrang pawl Drone in an kah hna i pa12 an thah hna tiah theih asi.

Sagaing ramthen Chaung Oo peng chung ralhrang uico pawl cu July nihnih nizan zanlei suimilam 4pm ah khan Thanye an dinnak hmun ah PDF nih drone in an kah hna i minung 12 a hmun ah an hlim hna.

Ralhrang hi minung 30 hrawng an si lai. Chaung Oo peng Ngashin khua ah Thanye an din lio ah PDF nih drone in an kah hna. Hi drone kahnak ah aa telmi PDF phu hna cu Myaung PDF le CSOM hna an si tiah theih asi.

Ralhrang uico a bu in Thanye an din lio bak ah drone pahnih in an kah hna. Pakhat cu a puak lo nain pakhat hi anmah an dinnak hmun bak ah a puak caah minung 12 bak a hmun ah an thah hna.

A liamcia July nikhat ah khan ralhrang uico milu 50 nih an rak i citmi motor ke 12 pakhat cu Minmu peng Guaipinntawvle Buminkyi khuate karlak ah CDSOM tel in bomb 12 in an rak kah hna caah ralhrang minung 1 a hmun ah an rak thah khawh hna. Source-မြေလတ်အသံ

Be the first to comment

Leave a Reply

Your email address will not be published.


*