A Tu Lio Kan Dohthlennak Ah Ralhrang Doh Paoh Hi Ram Le Miphun Dawt A Si Loh – Onlinenungak


Ralhrang nih TNLA le KNU a phomh cuahmah hna. Pakhat tete in duh tawk in ralhrang nih akan luh hnawh chin lai. Kawlram hi ralhrang dohtu ti in hriamtlai phu tamnak ram a si nain kan i fonh le dirtti lo caah kum 70 leng chungah ralhrang kan tei khawh lonak hi si bik ko rua.

2021 hnu revolution zong hun zoh tikah lungrual le ttuantti kan itim hlei lo in a langh caah duh lo zongah ralhrang hi an hrangbawi rih te kho men.

A bik in Chinmi chungah Chawva lei kan harsat pinah i funtom loin a pikpak cio in kan dir tikah Chinmi kan tangka kha hmunkip ah a kal,aa hlum lo tikah hmualngeih ding tluk in a ngei kho lo.

Bianabia ah: Chungkhar menbers 7 khuasa nih zarkhat ca chiti langkhat an hmanmi kha an mah duhzawn cio ah a dang cio in uhkaang( thirbel) dang cio in meh i kio hna sehlaw chiti langkhat kha nikhat hnih ah an lim ko lai.

Kan ngeihchun chawva le kan thazaang te hmanh kan funtom duh lo ning ruah tikah ralhrang hi tei taktak kan duh maw aw tihi hun ruah caan a um ko.

Ralhrang doh poh hi ram dawt a si hlei lo,ramdawt timi cu mitei dingah i funtom le one command toi si duhnak tehna hi ramdawt taktak cu si deuh ko rua.

Political Economy of war caah resources kan herh . Chin mi kan ngeihmi le hmuh khawhmi cu, donation lawng asi rih e timi an um ve.Mahti si cun kan Innkaang mi cu tinawi le tii thur zongin ta kan phalh le hmih ko lo? Credit: Salai William Hlawnceu

Kalay Myo Ah SAC Ralhrang Nih Mipi Inn An Khangh Lio Ah PDF-Kalay Nih Mine Bomb Pa 4 In An Doh Hna I Minung 15 Nak Tam An Thi. Kalay Myo, Indai sang ah SAC ralhrang hna nih December 7 chun ah mipi inn an khangh lio ah PDF-Kalay nih mine bomb 4 in an doh hna i ralhrang 15 nak tlawm lo an thi tiah PDF-Kalay nih cathanh an chuah.

Mine in an doh hna lio ah ralhrang lei minung 15 leng an thih leeng ah hliamhma tuarmi zong an tam tiah theih a si. Hliamtuarmi hna hi mizaw motor (Ambulance) pa 2 in an rak laak hna tiah theih a si. Ralhrang hna nih bomb a puahnak pawngkam ah minutes 10 hrawng an kah hnu ah khuahelnak lam in an kir i an riak tiah theih a si.

”Mine puahnak pawngkam ah a um ve mi mipi pa 3 hliamhma an tuar ti thawng kan theih i kan lung a ṭha hrim lo. Nan kan ngaihthiamnak lai zaangfah kan in nawl ko hna,” tiah PDF-Kalay nih nawlnak ca an chuah. Source: Zalen, CCN

Relchap; Na caan pe; British cozah nih a ralthat tuk ruangah, upatnak le minthatnak Medal pasarih tiang an pekmi, Ralbawi Thompson nih a Medal vialte cu £150000 ah a zuar.

Cucu zeiruang ah dah na zuar? tiah biahalnak an tuah tikah: “A dongnak ahcun mi nih pekmi minthatnak le upatnak hna cu biapi an rak si lo; ka fale caah patling si tu hi biapi bik a rak si; ka fale caah ka zuar” tiah a leh hna.

Vawlei cung mi lian ngan le minthang tampi nih an palh ciomi pakhat cu “an nupi fale nih an herh bik hna lio caan ah chungkhar hnu chit in vawlei ah an buai i vawlei thil i buainak thazaang an ngeih ti lo hnu lawng ah, hnu an chitmi an chungkhar cu an hun zoh ceo tawn; cu tik lawng ahcun aize fakpi in caan pek pei an rak hauh hi, timi an lungpem.. nain cucu a tlai tuk cang!

Cu nihcun mirum le minthang tampi zong nih “aw, ka no lio i ka nupi fale he caan tam deuhpi ka rak hman lo mi kha kaa ngaichih” tiah an ti ve tawn..

Tu lio vawleicung mirum bik, Elon Musk khi a fapa nih “ka pa min “Musk” hrimhrim kenka duh lo; ka pa he zei pehtlaihnak hmanh ngeih ka lo, tiah a ti hnawh cang khih..

Vawleicung boxing thongh minthang Mayweather fanu nih kan hnu ah mi nam in a sawh hna khah… India ram actor minthang taktak Shah Rukh Khan fapa nai ah rithaisii case in an tlaih khah… Tampi tam an um rih…. Nu le pa nih fale caah tam deuh te caan pek kan hau ko rua hna, keimah telh in..By- Dr. Hram Bik Lian


Post Views: 17



Source link

Add a Comment

Your email address will not be published. Required fields are marked *