A Tubak SAC Motor 100 Leng Chin Ram Ah An Rak Kai!

SAC Ralhrang Motor zakhat<100) leng pi cu Chin Ramkulh Mindat lei ah a kal tiah theih a si. SAC ralhrang motor zakhatblwngpi cu a tuhi Magwe ramthen Pakhokunpengbin Chin Ramkulh Mindat lei hoih un a rak i thawh tiah CDF mindat nih cathanh an chuah. Pakhokhu in SAC ralhrang motor thluan a hmasabiknak 30 cu an rak i thawh cang hna. A hnu a hmai he ralhrang motor thluan hi 100 leng a si lai. Cun motor pawl hi muka an khuh dih hna caah a chungah ralhrang lawngte maw thildang dah an phorh timi theih khawh a si rih lo tiah CDF Mindat nih an thanh. A tutiang ah hin cun SAC Ralhrang cu 100 leng hrawng in kan ruahdamh. Cun Pungtaung pungngianlei kah zongah ralhrang an chiah hna. Cun tutiang ralhrang motor thluan hi Matupi lei ah an kal men lai tiah kan ruahdam ti in CDF Mindat chimphuannak ngeitu nih a chim. Tutan hi Matupi ah a kal a si ahcun ralhran motor thluan tam pipi in a kal hi a voi4 nak a si cang lai. A voithumnak tiang ralhrang motor thluan Matupi a kalmi hna cu CDF Mindat le CDF matupi nih lampi in an rak kah hna i ralhrang annrak cei taktak khi a si. CDF Mindat nih tutan Ralhrang motor thluan Mindat in Matupi leiba kal a si ahcun fak taktak in phomh dingah kan i timhtuah cang tiah a chim fawn. Cucaah Pakhokhu in Kyauhtu lei a kalmi pawl ralrin in um a herh tiah an langhter. Chin ram ah a rak kaimi ralhrang uico pawl CDM tuah a duhmi pawl cu lunglawm tein kan in cohlan konhna tiah an thanh chih. Cun kan hnu naite ah khan Ralhrang 512 chung ralkap pakhat cu hruamnam tlungte in CDF mindat sin ah a rak i fonh. Cupa cu CDF Mindat nih Kyats ting50 kan pek hnu ah a himnak hmun ah kan thlah cang tiah an langhter. Ref-People Spring

Be the first to comment

Leave a Reply

Your email address will not be published.


*