A Tulio Dothlennak Ahhin Ho Dah Na Uar Bik ?

A tulio kan dothlennak kong he pehtlai in phundang tein a cawlcang vemi hna Chinmi minthang minung 4 chung ahhin hodah na uar bik? A ho nih dah na thinlung an lak cem? A ho hmanh nih na thinlung an in la kho bak lo ti ko?

Tulio kan dothlennak ahhin mah hna 4 hi a buai ngaingai mi an si. Ramkhel kong ah an i tel ngai ve tung, ramkhel kong an uar ngai ve tung i an min zong a lang ngaingai teh.

Pu No Than Kap hi CNF Chairman zong a rak tuan balmi a si i Kalay peng ah Chin Affiar Minniter zong a rak tuan cangmi a si. Cu pinah kum 2020 thimnak ah CNLD party chiaman zong a si i NLD in Pu Lian Luai he an i cuh a sung.

Ralhrang nih uknak an lak hnu ah CNDL partu nawl hal lo tein a mah tein ralhrang nih auh mi party tonnak ah CNDL party min in Nay Pyi Taw ah a va kai. Cu lio ah fak piin soisel ai huah nain Nay Pyi Taw ah hawikom hlun hna an kut ka va tlai ta ko hna cuh tiin ai phisin.

Cun a tulio ah ralhrang nih thimnak kan tuah tikah PR kal ning kan hman lai timi zong thazang a pe ngai tu pakhat a si.
Dr. Ngun Cung Lian cu CNA ralkap zong kum tampi a rak tuan bal mi a si. Cu hnu ah US ah a kal i CNF biaceih bawi zong kum tampi a tuanmi a si.

Kum 2012 ah U Aung Min nih hmun khat ah riantuan ding in a sawm i Kawlram a um. Kum 5 chung bak Aung Min he cun kawl ralkap le tlangcung hriamtlai hna kar ah daihnak a um khawh nak lai rian an tuan ti.

Kum 2015 ah NLD nih teinak an hmuh hnu ah riantuan awk a ngei ti lo. NLD hruaitu upa pawl soisel le thangchiat in kum tampi a can cu a hung hmang.

Tukum ah ralhrang nih uknak an lak hnu ah ralhrang lei nih ruahnak petu ah an sawm i Nay Pyi Taw ah ralhrang pawl sinah a um i rian a tuan. Cu hnu cun Facebook le media ah a lang ti lo. A thawngpang theih khawh a si ti lo. Zeidah a lawh cang hnga.

Salai Lungthli Tum hi Chin mino te asi i sipuazi lei ahcun a thiam ngai an timi a si. CNA caah phaisa tampi a hlut. Chin Idol zong a rak tuah piak hna. Laipaih zong tampi a tuah tawn mi a si. Sifah harsa zong a bawm tawn hna.

Kum 2020 thimnak ah Independent in in Thantlang peng ah ai cuh ve nain a sung diam. Phaisa kuatnak le ramdang kalnak lei in chawleh thalnak a tuah mi a si.
Ralhrang nih uknak an lak hnu ah Chin ramkulh ahcun tukkahnak tuah rih lo ah a tha. Kawlram khaupi a simi Yangon, Mandalay le Nay Pyi Taw te hna ah biatak tein kahnak a um hlan cu kanmah Chinram i kahnak lawng cun a si kho lo. Chinmi kan tuar a fak tuk lai.

Sianginn zong kan kai awk a si ko. Sianginn saya te cu CDM kan tuah awk a si lo. Ca kan cawn lo cun kanmah kan sung menmen ko tiah a aupi tu a si. Cheukhat nihcun dalan a si tiah an ruah.
Moses Pau hi US ah a ummi Facebook live in a au tawnmi a si. A facebook follower zong an tam ngai. Bia a chim ah ai baitak bak i a video zoh a nuam ngai tawn.

Kawl ralhrang cu a haut tak hna. CNF zong a huat tak hna. CNF cu mifir damiah tiin a phomh tawn hna. Bible cacang phun kip a tar i a chim chih tawn. A bia hi nihchuah tete zong a tam ngai tawn.

A zei si hmanh ah capo phun zong in van ruat ko ulaw mahhi hna minung 4 lak ahhin a ho dah na uar bik. A tang comment ah vote in van thla phot ve hnik. ( Credit: Tata Hniang )

Be the first to comment

Leave a Reply

Your email address will not be published.


*