A Tunai Te Bak Ahkhan Khuachung Uico An Lut I Khuami Inn An Khangh Mi A Si

Maggwe Pauh peng Laya khua cu tuzan tunai ah khan ralhrang nih an luhhnawh hna i mei in an khangh tiah theih a si.

Maggwe ramthen Pakhokku pengkom Pauh peng chung ah a um mi Laya khua cu tuzan syumilam 9:30 ah ralhrang nih an luhhnawh hna i khuami inn cu mei in an khangh thluahmah tiah Pakokku city and University News tuanvo ngeitu pakhat nih Khittit yangon ah a chim.

A tuhi cu ka hmun khua i ralhrang pawl nihcun khuachung ah meithal an puah len lawng si lo in cuka hmun hrawnghrang ahcun internet line le phone line he an phit dih tiah theih a si.

“Khuami inn mei in an khangh lawng si lo in meithal pehzulh in an puah len. Khuami hna cu anmah le himnak cio an zaam hna i an i thenthek dih hna phone line zong an phih dih i internet line zong an phih caah zeitindH thil umtu ning a di timi kan thei kho rih lo”tiah Pakokku city and University News rian ngeitu pakhat nih a chim.

Falam in Halkha lei a rak kai mi ralhrang motor 30 cu CnA/CDF nih nizan le tuni ah an kap hna caah ralhrang nih Dokthek khua ning pi khan in tuzan lei ah mei an khangh dih tiah theih a si. Cun CNA ralkap minung pahnih nih tuzan lei ralhrang he i kahnak ah ram le miphun caah an nunnak an pek tiah theih a si. Ralhrang lei hi a thimi an um ve ve nain fiang in theih khawh a si rih lo tiah the Chin Journal nih an tial.

Be the first to comment

Leave a Reply

Your email address will not be published.


*