AA Nih Ralhrang He An i Kahnak Kong An Phuan Taktak Cang

AA kan umnak hmun ralhrang nih an hun kan nam caah kan i kap mi a si tiah AA chimphuannak ngei Khaing Thu Khah nih a chim.

Chokhleipar26|5|2022
Chin ramkulh Paletwa peng Abawngthar khuate kam ah May 26 ni ah ralhrang uico le AA an i kap hna. I kahnak kongkau he pehpah in zingka suimilam 10 am in i kahnak a thawk. Ralhrang uico phu pawl nih kan umnak hmunhma naih in an hun kan rathnawh caah kan i kah mi a si tiah AA chimphuannak ngei Khaing Thu Khah nih weaternews ah a chim.

Zinglei suimilam 10am in pahnih tiang hrawnghrang an i kap hna. Cuhnu ah ralhrang lei nih hriamngan hehchet tiah an kah piak hna tiah theih a si. I kahnak kongkau he pehpah in kaphnih a thimi le hliamtuar kongah ka sin thawngpang a phan rih lo tiah Khaing Thu Kah nih cun a chim.

Naitan May 15 zong ah khah Paletwa peng Tanthaung khuate kam i ralhrang hmunkhuar mi hna eiding a rak chanhtu ralhrang uico vanlawng cu AA nih hriamnam hme in an rak kah bal cang hna tiah khuami hna nih an chim. Culawng si lo in Am khuapi, MyatOo khuapi le Butidaung peng hna ag ralhrang phu nih hriamngan le hme he an kah len tiah khuami hna nih an chim fawn.

Tulio hi ULA/AA i uknak le thithruainak pawl ralhrang nih hnahnawhnak an pek hna lawng si lo in ralhrang thazaang a chap lengmang hna caah tu nak i kahnak a zualhma chin lengmang kho. Cucaah ralhrang he ton biaruahnak lam a um kho rih lai lo tiah ULA/AA​ lei chim phuanak lei Khaingthuhkhah nih cun a chim fawn.

Ralhrang uico le AA karlak kaphnih i kahnak a chuak than kho cang caah mipi pawl nih ralrin tein um cio ding tiah AA nih May 15 ah cathanh an rak chuah cang. Culawng si lo in AA Chief in commender Bochoh Htun Myat Naing nih western commender ralhrang Bochoh Htun Lat Oo cu twitter account in ralrin a rak pek bal cang.Western News-WN

Be the first to comment

Leave a Reply

Your email address will not be published.


*