Amber Heard Nih An Pa Hlun Johnny Depp Cu 15 Million A Liamh Lai

American movie stars pahnih, nuva zong a rak si thingmi Johnny Depp le Amber Heard tazacuainak cu tu chun ah result an phuan.

Zarh ruk hrawng an rau. Zei ko dah a ruang cem si hnga tiah kaa manh caan tete ah an bia ka ngai pah tawn ve hna. Biaceihtu hna nih Johnny sinah teinak an pek.

2015 ah thitumnak a tuah i 2016 aa then thanmi an si ko nain buaibainak tam taktak an ngei. Cu hna cu ka tial duhmi si loin tutan an i cuainak kong tawite in tial ve ka duh.

An i then hnu 2018 ah Heard nih Washington Post ah a pasal thing Johnny kut in tukvelh an tonnak le temtuarnak a tonmi kong a rak tial. A capar ah Johnny min cu a telh lo nain chungkhar ah pasalle kut in harsatnak le tukvelhnak a tongmi ka rak si ve tiah a langhter.

Rau lo te British news the Sun nih ‘Johnny cu ‘nupi velh hmang si’ tiah an tial colh. Johnny nih taza a cuai hna i amahtu sungh an pek. The Sun legal fees caah tiin $630000 an liamter lehlam.

Min chiahnak phunphun nih a vun zulh lawng si loin movies a tuahnak company hna zong nih an phuah tbk in sunghzatlak a vun tong len hna.

A hnu ahcun ka min le rian sawisan thannak caah tiah Amber Heard a nupi thing cu ‘a hmaan lo in sualpuhnak ca a tialmi nih zeizong taktak tiang in a ka hrawh dih caah $50 millions in ka liamh seh’ tiah taza a cuai ve.

Amber nih $100 millions in ka liamh ve seh tiah a cuai chin ve. Virginia biaceih zung pakhat ah zarh ruk sau bak nifa chiar in an doh. An bia ka ngaih pah tawn hna i Johnny nih a tei ngai.

Nemte in a chim, duhsahte in a chim, thinhunnak le muihmai tha lo a langhter bal lo. A bia hram a domhning zong an hngakchiat lio chungkhar kong in a thok. Hi nih hin mipi thinlung le Court thillung tampi a lak cia cang tiah ka zumh.

An chungkhar kong cu, ‘ka nu hi mi khohcho tukvelh hmang le awhrang ngai a si. Ka pa hi mi lungsau le mi daite a si. Zeitluk in ka nu nih a tukvelh le a buai zong ka nu cungah a kut a thla bal lo. A zam tak lengmang.

A hnuah cun a celh ti lo i a kan chuah tak. Cuticun ka nu sinah ka unau rawl he kan um’ tiah a chim. A pehmi cu ‘kei zong ka pa bantukin nu cungah kut tlak le velh ka duh lo. Ka ding ka ei ko nain Heard zong ka vel bal lo’ tish a chim.

An rak um ti lio i videos records le phone records tete an piah than lengmang i Heard tu hi buainak a sermi lenglang a si kha a lang. Johnny tu nih washroom le khaan dang tu ah a zam tak lengmangmi hmuh khawh a si.

Heard nih hin Johnny hrawh awk le buai hnawh awk ah vat si law a dawh ngai. A thli tein phone in a zeih lai i a ti hramhram naak le a buainak tete zong a um pah tawn. A si kho men ti bia!

Fiangte in Johnny kha nupi tukvelh hmang a si lo ti khs an hmuh than. Johnny nupi thing a simi pakhat zong nih a chimmi cu ‘tukvelh hmang a si lo’ tiah a ti.

Biaceihtu hna nih Johnny cu $15 millions liamh ding in bia an chah. Heard zong $2 millions liamh ding in an chah ve, a ruang cu Johnny sihni pa nih ‘Heard sualpuhnak hi hrokhrol a si’ a rak ti. Hrokhrol a si lonak zong aa tel ko ti kha an hmuh ve.

Phun hnih in dan a tat i a pkhatnak caah $10 millions a si; a pahnihnak cu $5 millions a si. Asinain $5 millions cu $350000 ah an thumhpiak than.

The Sun zong a cuai than men te hna lai.Credit-Luther Tinhre

Be the first to comment

Leave a Reply

Your email address will not be published.


*