Skip to content
Home » American, Turkey le Ukraine Nih Security Kong an i Ruah, Russia caah Tih A Nung Cang Ko

American, Turkey le Ukraine Nih Security Kong an i Ruah, Russia caah Tih A Nung Cang Ko

Turkey, Ukraine le American ramthum komh humhimnak council biaruahnak an tuah tiah theih a si.

Turkey ram khuapi ah October 2 ah American, Turkey le Ukraine ramthum fonh in security council lutlai pawl ton biaruahnak an tuah.

American Security council ruahnak petu, Ukraine ram President ruahnak petu le 27 president ruahnak pe tu hna tonnak an tuah tiah thawngthanhnak an tuah. Hi ton biaruahnak ah a bik in Russia nih Ukraine a luhhnawh mi ah a rannak in a daih khawh nak ding ahcun Ukraine hi NATO chungte ah khulrang in cohlan cawlh ding in an i ruah tiah Turkey thawngzamh ca pakhat nih a tial.

Ukraine president Zalenski telh in cozah lutlaindeuh vialte cu Turkey ram an phanh dih i Turkey ram security council lutlai pawl he biaruahnak an ngei ve ti a si. Tutan Ukraine cozah lutlai pawl le Turkey humhimnak lutlai pawl ton biaruahnak an ngei tik ah mipi pawl an tha a tho tuk hna. Culak ah American president ruahnak petu zong direct in Turkey ram a hun phanh cu thawngtha ngai ti khawh a si.

Ukraine nih NATO chungtel sinak a hal mi hi a rannak in an cohlan khawh nak ding caah cun Turkey hi a biapi bik mi a si. Cucaah Turkey a lungtlin ahcun Ukraine cu NATO chungtelna si colh lai i Russia cu vava a tum colh cang ko lai.

Kan ithawh deng ah khin khuami pakhat nih a rak tli I arti pumhnih lampi ah va ding te tiah a ka pek Chinland Army Kalaymyo