An inn ah a rami SAC ralhrang pawl bomb a puah hnawhtu PDF nutung no


PDF-Kalay Battalion 6 ah ralkap a simi nutung no Chaw Su Aung cu SAC ralhrang nih tlaih ding in le an inn chuh ding in an rak rat hnawh tik ah an i ruah bang in tlamtlinnak an hmu lo.

Aruang cu maktaduai PDF nutung no Chaw Su Aung nih an inn ah ralhrang an rat lai ding a theih cia caah bomb a rak hmeh diam.

Chaw Su Aung pumpak nih, “Ma Ah La uico pawl a nuam ko lo maw? Ka inn ah nan ka rat hnawh mi cu mahti men in kan kirter hna lai ti maw nan ruah. Kan innhmai thluangthluan ah ‘Tung…Tung’ tiin dangh nan tong ko khah. Hi hnu ah kan innhmai ah mithi thlacamnak kan tuahpiak te hna lai,” tiah nihin chun ah a tial.

Chaw Suh Aung te inn ah an hmanh tami bomb puahnak hmanthlak.

Chaw Su Aung a vapa Ko Japan Gyi zong nih, “Ka nupi ralthat le a lungthawn ning hi ka uanthlarpi tuk. Uico pawl nih a hmatpungtin number an theih hnu ah an inn address zong an theih i an rak rat hnawh. An rat vevek ah tiin bomb kan ton ta lai a ka ti i, kan ton ta. Ralhrang an rat lio ah Bomb a kan puahpiaktu PDF kan hawile cung zong ah kan i lawm. Uico pawl cu an ruak an i thiar len ko,” tiah a Facebook ah a tial ve.

Chaw Su Aung nih, “Inn cu an duh le khaang hna seh. Hi rian aa lim in kan kawl than ko lai. Mipi innchung ah duh paoh in a lut i thilri a firtu uico pawl hi cawnpaik hrimhrim an hau,” tiah a chim chap.

Maktaduai PDF nutungno Chaw Su Aung le a vapa hi PDF-Kalay ah ram caah nunthap in rian a tuan veve mi an si.



Source link

Add a Comment

Your email address will not be published. Required fields are marked *