Ar Rawl Zei Pawl Dah Kan Pek Lai?

Ar pawl ngandam ten an nun khawh nak ding ,an tthan a that ding le an arti tit a that ding cu kan pek mi rawl cung ah tampi aa hngalh .

Zei ruang ah a rawl a biapit tuk nak a si ?
Nifatin an nun ah an hman mi thazang caah , an tthan nak ah an hman mi , an thazaang a tthawn nak le an ti tit nak ah an hman mi thazang pawl caah Nutrition tampi an herh .Nutrition kan khah hna lo tik ah an tthan a nuar ,zawtnak nih fawi ten a tlunh hna ,cun an ti tit a hmaan lo tbk har nak tampi ton khawh a si .

Ar rawl kan pek tik ah nikhat a tlawm bik voihnih in voithum a rawl pek le hnahhring* voikhat pek khawh cun a ttha bik a si.

Ar nih an herh mi Nutrition pawl ;

(1)Vitamins (Vit A,D,E,K ,B ,C )
Nifatin an tlawn len nak ah hman mi thazaang caah siseh , an hmul a that nak ding ah siseh, an ti aa sersiam nak ah siseh thazang tthawn nak ah siseh Vitamins tampi an herh . Vitamins a bau mi ar cu fawi ten zawtnak nih a tlunh hna ,an tthan a pit ,an tit a pit tbk a si kho .

(2) Proteins
Ar pawl an tthan tthat nak ding le arti caah tam bik a bawm tu a si .Nifatin kan dangh mi a rawl ah protein aa tel mi rawl (Fungvoi , Pee ,nga-chauh ,facang ,fangdip tbk ) tampi aa tel a herh . Arfa an rawl ah Protein (22-24%) tiang aa tel a herh ii arpi caah a tlawmbik (16-17 % ) tiang a tel a herh .

(3) Iron
Chungchia a tam mi ar nih biapi in an herh .Iron aa tel mi a rawl dangh nak thawng in ar pawl an pum chung a um mi chungchia cu a thianh kho ti a si .

(4)Carbohydrate
Nifatin an colcangh nak thazang caah an herh bik mi a si .Nifatin an hman mi hlei in kan dangh tik ah a thau in ah aa fim i a herh caan ah thazang caah a hman tthan tawn .Arti a met ah aa tel tawn caah arpi a ti lio mi cu a biapi in tam khun an herh tawn .

(4)Calcium
Ar a ruh a feh nak caah a bawm bik mi a si .Cun arti hawng aa ser nak zong ah a biapi tuk mi a si. Calcium a bau cun arti hawng a pan tuk lai i a chuah pah a kek, a leng a hawng aa tel loin a tit tbk a cang kho .

(5)Mangesium,phosphorus,manganese le Potassium
Mah pawl zong an herh nan a tam ah cun ar caah har nak a chuah pi kho mi an si .

Hnahhring pek a biapit nak kong kan rak ttial tthan te lai.

[ Nan Sattil_Arva an ngandam nak ,zawt khamh nak ,an rawl ,an hman mi thil le zuatkhalh kong ruahnak hal na duh cun pehtlaih khawh peng kan si.

Credit-Fidi Veterinary Supplies and Services
Hospital Road ,Near BEHS (1),Zaythit Ward,Hakha
09402725056, 09404284017, 09265564521

Sattil-Arva caah Fidi

Be the first to comment

Leave a Reply

Your email address will not be published.


*