Ar zuat in Sipuazi a tuah mi pawl nih Ar Zawtnak phun pawl theih ding mi hna

Ar zawtnak -1

Lai lei cu a hlaan in inn kip tluk nih ar kan i thlah cio tawn hna .Asinan ar pur a tu le a tu a tlun ruang ah a karh ding tluk a karh kho lo.Kum khat chung kan i zuat mi hna cu ar pul tlung ii chikhat ah an thi dih colh tawn .Cu tik ah ar kan i zuat tluk ar kan ngei lo.
Ar zawtnak a chuah ter mi a ruang bik hna cu ;
1.Bacteria 2.Protozua 3.Virus le 4.Parasite ruang hna ah an si bik.

Bacteria,Protozua le Parasite ruang ah a cang mi ar zawtnak tam deuh cu damh khawh an si . Virus ruang ah a cang mi zawtnak cu damh khawh an si lo caah Vaccine (kakuai-see ) pek lawng in khamh khawh a si .Lai tlang ah ar pul a tlung an ti mi tam deuh cu Virus zawtnak deuh a si tawn caah tuzerh cu Virus zawtnak kong kan rak ttial hmasa lai.Laitlang ah a can tam bik Virus zawtnak cheukhat ;

(1) Newcastle Disease(ND)
(ကြက်လည်လိမ်ရောဂါ)

Paramyxovirus-1 ruang ah cang mi zawtnak a si .Damh nak sii a um lo . Vaccine(kakuai-see ) pek in khamh khawh a si . ND zawtnak a cang mi ar cu rawl ei ti loin an ngor lai ,mitthli tla ii a mit tlang hrawng a phing lai ,a ek a hring lai ,a thaw a chuah tik ah a hrawm aw aa thei lai, a ti lio mi arpi a si ah cun a tit a ngol lai ,thahri dawh le a hngawng aa ngerh lai . B-1 Strain sii cu a chuah ka nikhat in pek khawh a si ii zerhnih a si hnu ah Lasota Strain sii pek a si. Live Vaccine in Infectious Bronchitis (IB),(လည်ပြွန်ရောင် ရောဂါ ) khamh nak sii he pek tti khawh a si.Live Vaccine pek cun thla hnih dan in pek a si.

(2) Infectious Bronchitis(IB)
လေပြွန်ရောင် ရောဂါ

Avian coronavirus ruang ah a cang mi a si.Zawtnak a cang mi ar cu an thaw chuah nak lam ah khak phun a khat ii thaw chuah iharh,hnap tawh,khuh,mit phing tbk pawl a cang lai.Damh khawh a si lo. Vaccine(Kakuai-see) pek lawng in khamh khawh a si.

(3) Infectious Bursal disease(IBD)
ဖင်အဆီဘူးရောင်ရောဂါ

Bina Virus of serotype 1 ruang ah a cang mi virus zawtnak a si. Hi zawtnak a cang mi ar cu a lam kal a hmaan lai lo,a therh pah lai,rawl a ei duh lai lo, a hmul a buar lai ,a ek a raang lai , a ek chuah nak zawn hrawng a hmul a cin lai.Zawtnak aa chawnh hnu ni 3-5 kar ah a thi kho bik. IBD cu damh khawh a si lo. Vaccine (kakuai-see) pek lawng in khamh khawh a si .Hi virus cu vawlei ah saupi a nun khawh caah Zawtnak a can bal nak hmun ah a cang tthan a fawi .

4.Fowl Pox(ကြက်ကျောက် ရောဂါ)

Avipoxvirus ruang ah a cang mi zawtnak a si.Hi zawtnak cu tthen hnih in tthen tthan khawh a si.
(1)a vun ah a cang mi Dry Pox.A chuang ,a hngawng,a hnakhaw,a mit tlang le a ke hrawng ah a bo tawn.

(2) A pum chung a cang mi Wet Pox.Ar an pum a chung lei deuh ah a cang.An ka chung,an awr,an lei,an hnar chung hna ah a cang tawn.Thaw chuah i harh ,a khak aihre pawl um lai, thaw chuah i harh tbk a cang lai .
Vaccine(Kakuai-see) pek in khamh khawh a si .

Zawtnak aa chawnh khawh bik nak a ruang pawl cu pawngkam in siseh,zohkhenh dan that lo ruang ah siseh,an pum tha a der lio ah siseh,zawtnak ngei mi ar ii zawtnak rungrul cu minung sin in siseh , Vaccine pek dan a dik lo ruang ah siseh, ar inn thianhhlimh lo ruang ah siseh aa chawn kho.

(Ar zawtnak dang kong pawl pehzulh in kan rak ttial tthan te lai )

Credit-Fidi_Veterinary_supplies_and_service ah sattil ngandam nak lei le thlawp nak kong ah pehtlaih khawh peng kan si

Be the first to comment

Leave a Reply

Your email address will not be published.


*