Argentina an aung, “Messi” minthang chinchin, tuksum si


Atutan Qatar ah an tuahmi World Cup ah Argentina hmaikal le captain a simi Messi cu kum upa lei a si cang nain World Cup bawlung chuihtu vialte lak ah uar bikmi thotho a hun si.

Nihin Netherland le Argentina puai ah Messi hrimhrim zoh ding in ramdang hmunkip in Qatar ah a rak rami hi minung a thongthong in an si, tiah Airline tuanvo ngeitu hna nih an chim.

Nihin puai ah amah Messi nih Assist a tuahmi thawng in minute 35 ah Molina nih goal khatnak a sut.

Cun, minute 73 ah Argentina nih penalty an hmu. Messi nih a sut, a kawl. Netherland nih minute 83 ah goal khat an cham hna. Additional Time minute 10 a dih lai te bak ah Netherland nih goal khat an thuat than. An i tluk.

Extra Time minute 30 an chuih ah an i kawl kho lo. Penalty ah Argentina nih (4) 2-2 (3) in Netherland cu an tei hna.

Atutan World Cup a voi khatnak puai ah Saudi Arabia nih Argentina cu zoh dawh lo ngaiin an tei hna nain a dang puai pawl ah teinak a hmu hna.

Massi he atutan hi an ram aiawh in a donghnak bik a chuih a si kho cang. Cucaah, vawleicung Messi fan vialte zong nih World Cup hrai voi khat tal thlirpi hna seh timi an duh cio.

Atu tiang Argentina nih teinak an hmuh khawhmi hi mi tampi Messi credit an pek ngaingai. Credit pek phu zong cu a si ve ko.

Angaite tiah Messi hi Khrihfa tha tuk a rak si. Khrihfa chungkhar in a thangmi a si bang in a minthang tuk zong ah Pathian a philh lo nakhnga a orhlei liang ah “Hling lukhimh chinhmi Jesuh” tattoo aa suai.

Pathain a philh lomi Khrihfa tha Messi

Semifinals ah Argentina cu Croatia he an i tong te lai.



Source link

Add a Comment

Your email address will not be published. Required fields are marked *