Argentina le Crotia ah Teitu Ding Mipi Ruahnak An Langhter Cang –


Dec.14, ah Semi Final a chuih ding Argentina le Crotia kongah mipi ruahnak an lakmi Poll nih atu tiangah alanghter ning ahcun Argentinak nih a tei lai atimi hi 52% an si, Crotia nih atei lai ti azummi hi 20% an si I, an itluk lai Draw an si lai atitu hi 28% an si.

Biak Cin Sung pek a phu bakmi a si ko-  Pu Ro le Neymar kong kan buainak ah ChinTube puai ka zoh manh ti lo i aho te pawl nih an ngah timi ka thei ti lo. Nain, Malay ummi muidawh nute Biak Cin Sung nih sipuazi lei minthatnak a ngah an ti i kai lawm ngai ve. Aidii, Biak Cin Sung, Hannah Yeoh, Hakha Town Coffee, The View Restaurant (Hakha), Buteria(Yangon) hi Laimi sipuazi tuahtu lakah ka uar bikmi an si hna. Fawi tein phaisa hmuhmi rian an i thim lo, an tuanmi an business kha harnak tampi pah chih in zapi zoh chomi brand pakhat ser an i zuam. Upatnak pek a phumi an si.

ChinTube an thil tuahmi ka uar tuk, pehzulh kho zungzal hram hna seh. Bossy pawl nih thilthuam man fak taktak (international level) an i hrukmi caw-ngia nak ‘red carpet’ an tuah chihmi belte ka uar tuk lo. Mizo pawl nih ‘hitluk an rum ko ahcun zohkhenh an hau hme maw?’ an kan ti sual lai ka phang pah.

Dohthlennak phaisa kengtu bossy pawl le an lobbyist pawl nih mah puai kha lornak le i cua nak caah an hmanmi ka lawhter pah caah ramtang um mino le plastic inn/thlam ummi ralzam ka zaangfak hna. Kanmah kan i nuamhnak ding caah nanmah tei rial ko kun u timi he ai lo pah ka ti. LTT



Source link

Add a Comment

Your email address will not be published. Required fields are marked *