Arpi Tap na Sahngar Ni na By Sang Kil (Sangbawi)

Arpi Tap na Sahngar Ni na By Sang Kil (Sangbawi)

Thantlang khua chung kan dihlak ralhrang ruangah khuachuah takin mah le siarem nak hmun le khua cio panh in tlik le zam le khuasak cio asi. Kan phak nak khrihfa bu cio ah kan um chung kan zohkhenh kan kilkawi uh tiah luh cio asi. Thantlang kan Khrihfa Buu nih nan um nak Khrihfa Buu ah nan cheuhra cheukhat i azatceo cio cu nan um nak Khrihfa Buu ah nan pek lai i azat ceo cu kan Khrihfa Buu ah nan pek lai an kan ti caah pek cio asi.

Cu caah ralzam kan tamnak khua Khrihfa Buu thawhlawm le cheuhra cheukhat cu calet nakin akarh deuh ti khawh asi. Kan nih kan um nak Khrihfa Buu nih kumkhat caah an itinh mi cheuhra cheukhat thawhlawm cu June thla(kumcheu) ah an lonh cang(khua dang zong an si cio lai ka zumh).

Kan um nak Khrihfa Buu Biakinn tual le a pawngkam concrete kan phah lio Church Pastor pa nih ati mi cu atu lio hi kan Biakinn remh le rianh nak ah caan tha bik asi. Ralzam nan kir hnu cun kan remh in kan rian kho ti lai lo ati. Cu nih khau aruah ter ngai. Ziah hme mah hi Biakinn remh le rianh lawng hi maw? —– ka hei ti.

Ziah? Kan ral tei nak dingah ramdang um Khrihfa Buu le minung lawng maw atho dingah kan ruah hnga? Alang hmanh in heh tiah an iforh. An caah zei ngai atha hnem ding a um fawn lo. Ai that hnem pi ding cu kan mah kan fawn ko tung. Raltei le ramthat cu kan duh fawn. Atu ahhin kan mipi ral kap nih kan veng kho in kan kham kho hna hlah sehlaw atu lio kan idor nak khua pawl zong hi zam dih nan hau cio lai i nan inn le nan Biakinn hna zong hi akang kho an si dih ti hi nan ruat bal cio dek maw?

Azei dang cu um ko seh kan him nak dingah ral atu cuahmah mi mipi kan ralkap eidin caah ramleng mi heh tiah an au. Pumpak in Khrihfa Buu in heh tiah an thawh. Ziah? Kan mah ca asi ko mi kan mah nih kan thawh duh ve lo. Thawh cia mi Khrihfa Buu tangka kan sian lo hmanh ah Khrihfa Buu nih an thawh mi satil( Caw. Naa. Vok. Sia) kan ngaih cio ko tung hna. Mah tal hi cu kan pek ve awk asi ko tiah ka ruah. Ruah cio ding zongah kan sawm hna. Amah bal te Jonah nih Neneveh khua Pathian nih ahrawk tak hnga maw? Tiah tlanhpar thing thladem tangin acuanh hna ka lo sual ve hnga dek maw?

(Hihi amah, catialtu hnatlaknak in copy paste ka tuahmi a si. Editor)Credit-TBYD Thlalang Cazual(TCB Mino)

Be the first to comment

Leave a Reply

Your email address will not be published.


*