Athos nih World Cup Final ah France le Argentina an i tong lai ti


Chanthar biaphuanthiam tiin an minthang ngaimi Athos Salome (kum 36) nih atutan World Cup Final ah hin Argentina le France an i tong lai, tiah biaphuannak a hun chuahpi than.

Athos hi ahlan bia a rak phuanmi pawl chung in ahmaanmi an um len caah mi nih an zumh ngaimi a si. Anih hin Brazil rammi (Khrihfa) a si i, US ram i Winston Churchill University ah Parapsychology degree a hmumi a si.

Coronavirus zawtnak nih 2020 ah vawleipi a cul lai tiah a rak phuan bal. COVID-19 cu 2020 a leh hlan December 2019 ah a rak chuak taktak. A nicaan dikthlir in ahman lo nain a biaphuan muru a dik.

Cun, England Queen Elizabeth thihnak kong, Elon Musk nih Twitter a cawk lainak kong, Ukraine ral kong tibantuk zong hi a rak chimphuan chung cang, tiah Daily Star nih a tial.

COVID-19 a can nakding kong hi, “2020 ah vawleitang in thihnak siangpahrang a rak tho lai i, kan vawleipi a cul lai. Sualnak ngei lo minung tampi an nunnak a liam lai,” tiah a rak phuan.

“2023, 2024 le 2026 ko ah hin kanmah minung thatlonak ruang ah vawleicung ah harnak nganpi a tlung lai. Tihphannak cu Van ah khin chummui bang in aa zel lai,” tiah a phuan chapmi zong a um rih.

Atutan World Cup Final Argentina le France an i ton taktak ah cun hi pa hi zumh awktlak pah a si ko lai dafawh!



Source link

Add a Comment

Your email address will not be published. Required fields are marked *