Atu kum ah Thantlang ah kan kir lai – Dr. L.H Sakh0ng


2023 Kumthar biakamnak ah Dr. Lian Hmun Sakhong nih atu 2023 kum chung hrim ah Thantlang kan hlam than hna lai tiah a langhter.

Dr. Sakhong hi atulio ah CNF vice chairman (2) a tuan liomi a si pin ah NUG ah Federal vuanci a tuanmi a si caah atu bantuk in Kumthar biachahnak a chimmi hi CNF le NUG lei zong nih biatak in tuan an i tim tinak zong a si kho cang.

Thantlang kan unau hna nih an khua an zamtaknak kum 1 leng a si cang. Micheu Mizoram ram le Thantlang peng khuate ah an um bang in Hakha zong ah an i dor hna.

Thantlang kan lak than khawh lo hin cun atu tan dohthlennak ah teinak kan hmu lo tinak a si lai. Lak khawh than hrimhrim a herh.

Thantlang kan lak khawh ahcun Kawlram chung dohthlennak thilsa zong hmakhat lo ah a linhter than khawh colh lai. Cucaah, CNA le CDF kan ralkap pawl nih Thantlang an lak khawh hi abiapi tuk.

Asinain, Thantlang lak nakiding ah Lai pasal le nusal minung zeizah ko nih dah nunnak an pek rih lai timi ruah tik ah thin a phang ngai ko. Thalza cam hna u sih!



Source link

Add a Comment

Your email address will not be published. Required fields are marked *