Aung Aung Tutan A Biachim Cu Vawleipi Nih Hei Hnasehlaw An Nih Chuak Tuk Lai

Nichuak taktak khiba si ko hih. Yangon Mandalay le Naypyidaw khuapi hna i University pawl cu valwicung University thabik ah ka chuah ter lai tiah SAC ralhrang hruaitu Min Aung Hliang nih a chim.

Yangon University, Mandalay University le Naypyidaw University hna cu Valwicung a thabik mi Vawleicung a tha bik mi University ah ka serchuah lai tiah a chim.

July 1 chunhnu ah naypyidaw ralhrang hmunhma chung Naypyitaw State Academy(NSA) an tuah ning pawl a va zohfel i tuanvo ngeitu pawl cu a herhbau mi pawl a forhfial hna.

Yangon University le Mandalay University le Naypyidaw University hna hi zeitluk in a that khawh chung in ka zuam lai tiah a chim hna. Naypyidaw cu cozah zung hrambunh nak ramkulhkomh a si caah rampi nulepa nih hrin mi nulepa hna fimcawnnak a that chin khawhnak hnga caah rian tuantu pawl hi biapi bik nan si. Culawng si lo in Naypyitaw State Academy simankin zong a rauhhlan ah serchuah khawh kan i zuam hna lai tiah Min Aung hlaing Nihcun a forhfial hna.

Kawlram chung fimcawnnak hi a hlan lio ah cun vawleicung ah minthang a rak si ton. Nain ralhrang nih uknak an hun thawk hnu ah Kawlram fimcawnnak cu a zual hma chin lengmang caah a tu Min Aung Hlaing Chan ahcun vawleicung a niambik le a chiabik sUniversity ah an i chuah dih cang.

Cutluk in a chiahru cang mi University pawl Min Aung Hlaing nih vawleicung minthang bik University ah ka serchuah hna lai a timi cu nihchuak ngaingai khi a si. A ruang cu a dang thanchonak cu chim hlah rampi hmanh thathi in a va uk khawh hlan ah University hna ka thancho ter lai i Valwicung minthang bik ah ka serchuah lai ti cu rua ah hin lungba mit ko cang.

Be the first to comment

Leave a Reply

Your email address will not be published.


*