Aung La Nsang Le Tuluk Patthawng Fan Rong An I Tthua Lai. A Nithla A Fiang Cang – Thawngpang Dik Thanh Hna Usih


Aung La NSang cu a ralai mi Tangkhawng (January) 13 ah ai tthua tthan cang lai tiah theih a si. Aung La cu Netherland pa De Ridder le Bigdash a tei khawh hna lo hnu in caan sau ngai aa din, cu hnu ahcun Japan pa Okami he an i vua i,

Aung La nih a tei hnu ah atu bantuk in   Taluk fighter Fan Rong he an i tthuat dingin an tawlrel piak hna hi a si. Atu Aungla he aa tthua dingmi Fan Rong hi Aung La NSang he an i tong bal lo nain Vitaly Bigdash le Reinier de Ridder hna sin ah a sung bal mi a si ve. Cucaah atutan a i vuak hi cu zoh a nuam taktak lai tiah theih a si

(Fan Rong ကအောင်လနဲ့ မတွေ့ရသေးပေမယ့် ဗစ်ဒက်ရှ်နှင့် ရိုင်နီယာ ကိုတော့ ချုပ်ကွက်နဲ့ ရှုံးနိမ့်ထားဖူးပါတယ်

December 10, nihin zing ah, Magway ramtthen Kyaukhtu (ကျောက်ထု) in Saw (ဆောမြို့နယ် ) pengchung ah a raklut mi SAC ralhrang pawl nih chun suimilam 12:00pm tluk ah lothlam pa(2) an kulh i mipi 3 cu meithal in an kahhna hnu ah 2 an nungin an tlaih hna tiah theih a si.

Chun suimilam 2:00pm tlukah Kanpetlet le Saw ramri um, Kyauktaung (ကျောက်တောင်) khua an luhhnawh hna i an tlaihmi hna pa 2 an thlah hna hnu ah tualchung mipi 5 an tlaihthan hna i sualnak ngeilo minung pa(2) cu meithal in an kahthah hna tiah theih a si.

Nihin chun ah SAC ralhrang nih mipi 7 an tlaih hna i, 5 an thlahthan hna nain (2) cu an kahthah hna. Nu pakhat le pa pa(4) an thlahthan mi hna cu an thi tamtuk a cuah caah thlopbul cuahmah an si hna tiah Zalen nih a langhter.

SAC nih nawlngeihnak an lak hnu thla 22 chungah SAC ralkap nih Chinram ah minung 355 an thah hna pinah inn 1,505 an khangh, tiah a luancia November 30 ah Chin Affairs Federation nih cathanh an chuah. A nunnak a liammi hna chungah tualchung mi 167 le Mipi ralkap 186 an si i, kum tlinglo ngakchia 24 an i tel. Hnuk ding lio ngakchia 2 le SAC ralkap uk duhlo langhternak ah 10 an i tel. Cun Pastor 4 zong an thah hna i Biakinn 10 zong an khangh, tiah an langhter.

A luancia November 19 lioah Falam peng Bualte khua pawngah SAC ralkap le Chin ralkap kar kahdohnak a chuah hnu in Pu Hau Cung Nung cu meithal kahnak hliamhma he a inn kam ah a ruak in an rak char, tiah min langhter a duh lomi pakhat nih a chim.

Kan khua ning piin kan zam dih hna lioah anih hi zam a duh lo. A hna a chetmi a si i khua a thei lomi a si. Amah le minung pakhat an zam duh lo. A ruak cu an inn he pe 100 aa hlatnak ah kan hmuh, tiah a chim chap.A luancia November 8 lio zong ah Mindat peng Palungṭwe(ပလုံတွီ) khuami 4 zong SAC ralkap nih mei in an rak khangh hna. Thah a tongmi hna hi mi zeidah an si ti zong kan hngal hna lo, tiah Mindat peng mizapi ukhruainak bu in chimphuannak nawlngeitu Yaw Mang nih a chim.

Cu pinah ralhrial in sii thlopbulnak a um lo ruangah tualchung mi 17 cu an ngandamnak ca ah sii-ai an herh ngaingai, tiah theih a si.Chin ramkulh ah tualchung mi a nunnak a liammi hna kong he pehtlai in SAC kuttang Chin ramkulh in chimphuannak nawlngeitu Thant Zin cu RFA nih phone in an pehtlaih ko nain a cohlang hna lo, tiah theih a si.

Chin ramkulh ah SAC ralkap nih nuhrin covo an buarmi vialte cu a ra lami March thla ah tuah dingmi UN nuhrin covo buarnak ceihkhannak ah kan chuahpi lai, tiah Chin nuhrin covo bu nih an langhter.SAC nih nawlngeihnak an lak hnu in Chin ramkulh ah tualchung mi 40,000 leng ram chungin an zam i, India ram Mizoram ramkulh ah ralzam in aa dormi 50,000 leng an phan, tiah theih a si.

 

 



Source link

Add a Comment

Your email address will not be published. Required fields are marked *