Bochoh Sawne Damyah- Ralhrang Raltuk Vanlawng A Mawngtu Pa Hi Russia Ralkap a si.

Nizan Thai humhaknak chung tiang a va lutmi Myanmar Jet Fighter a mawngtu pa kha Russia ram mi a si tiah theih a si.

Okarihthah ralhrang sakhan cu KnLa le PDf le KNDO nih pehzulh in nituk chung an kah cang. Hi kahnak ah ralhrang nih raltuk vanlawng Jet Fighter ni fatin tein a hmang i A kah hna. Nizan ah khan Myanmar Jet Fighter pakha MIG-29 cu Thilailan ram chung humhaknak kilo 4-5 tluk a va lonh. Mah raltuk vanlawng a mawngtu pa cu Myanmar mi si lo in Ruasia ram mi pana si tiah KNDO commender in Chief Bochoh SawnayDamyah nih a chim.

Thai-Myanmar ramri Kayin ramkulh Myawaddy peng Okarihthah ralhrang sakhan sakhan humhaknak ah ralhrang nih jet Fighter tiang voi tamtuk a hman cang. June 30 ah khan Jet Fighter pakhat cu Thailand humhaknak hmun chung tiang a va lut.

Hikongkau he pehpah in Thailand media pawl nih KNDO commender in Chief Bochoh SawnayDamyah cu biahalnak an tuah tik ah Jet Fighter mawngtu pa hi Myanmar mi a si lo. Russia rammi a si. Curuangah Ramri thathi a theih lo caah Thailand ram chung tiang a va luhnak a si tiah a chim.

A hlan deuh Kayin hriamtlaih phu Thanlwunmyit kam i ralhrang nih rak kah hna lio zongah khan ralhrang vanlawng pakhat cu Ban Tha Ta Fang cu lei kap tiang a rak phan. Culio i vanlawng mawngtu pa zong Myanmar ram mi a si lo. Russia ram mi thiam a si. Russi ah vanlawng an va cawk tik ah Russia ram minpawl nih zuan ningcang an chimh hna.

Hi raltuk vanlawng Thailand humhaknak chung tiang a va luhnak ah Myanmar ralhrang lei nih ngaihthiam an kan hal caang caah zeihmanh piahtana a um ti lo tiah Thailand vuncichoh nih a chim. Cucaah Thailand mipi pawl cu an vuncichoh cungah an thin a phawt tuk hna. KNDO, KNLA le PdF fonh phu nih ralhrang sakhan Okarithah an kahnak cu nihin in ni 7 a si cang. Nihin tiang pehzulh in an i kap cuahmah rih ko.Source-people Spring

Be the first to comment

Leave a Reply

Your email address will not be published.


*