Breaking News : Britain Special Ralkap Pawl Ukraine An bawmh, Russia ralkap an phomh cang hna||

Britain Ralkap raltuk thiam hleinak a ngei mi pawl cheukhat nih Ukraine an bawmh timi kongkau he pehpah in a tuhi Russia nih kherhhlainak a tuah cuahmah tiah theih a si.

Chokhleipar | April24 | 2022

Britain special force SAS tiah auh mi hna cu Ukraine nitlak lei hmun ah an chiah hna timi Russia special hlathlaitu phu nih kan kherhhlai cuahmah lio a si ko cang tiah an chim. Britaine Special Force phu SAS cu Ukkraine ram nitlak lei hmun Russia nih a kahnak ah Russia ralkap pawl phomh ding in alvic lbuapi ah an chiah hna tiah Russia thawngzamhnak a simi RIA Novosti nih an tial.

Ukraine ralkap pawl bawmh ding in Britaine cozah nih a tubantuk inralkap thazaang in a kuat hna timi hi a hman le hman lo kan zohfel cuahmah lio a si cang. A tu cu kanzohfel lio lawng a si caah comment pek ding zeihmanh kan ngei rih lo. Ralkap thazaang in a bawmh ko a si ahcun lehrulnak a zualhma kho tiah Russia lei nih an chim.

Raltuknak Tank pawl hrawhnak ding caah hriamnam hman ning cang cawnpiak ding in Britain nih tukum hramthawk Febuary thla hramthok ah Ukraine ah ka kuat hna tiahBritain nih a chim ko nain Russia nih Ukraine a luhhnawh i a kah lai Febuary 17 hlan te ah khan Kan Embassador runveng tu ding dah ti lo a dang kan ralkap pawl cu kan lak than dih cang hna tiah Britain cozah nih a chim ve.

Russia nih Ukraine ka kahnak Britaine ralkap pawl ani tel le tel lo kan hlathlai cuahmah lio a si tiah Hlathlaitu phu commitee nih an chim. Cun Russia nih Ukraine ka kahnak ah ramdang i thlak ve lo ding in ralrinnak ka tuah cang mi cungah ramdang ralkap pawl Ukraine bawmh ah an i tel bak ko a si ahcun Russia lehrulhnak a fak kho tiah an zumh.Source~ International news

Be the first to comment

Leave a Reply

Your email address will not be published.


*