Breaking News-CDF Kampelet le Tangti Phu Nih Ralhrang 200 Deng Chuak Kho Tilo In Ramlak Ah An Kulh Cang Hna

CDF-Kanpetlet sakhaan a rak kapmi ralkap pawl phufonh hna nih an kah, ralkap 30 leng an thi, hriam a thlautuk caah Vakok sakhaan an chuah tak. Nain tuzing ah khan CDF Kamplet le tangti phu hna nihcun ralhrang uico cu an dum than hna caah uico pawl chuak kho ti lo in ramlak ah an taap cang tiah theih a si.
Cokhleipar

Chin ramkulh, CDF-Kanpetlet battalion 2 sakhaan umnak ah kahdohnak a rak tuahmi SAC ralkap cu Chinram mipi hriamtlai phufonh hna nih an kah hna i SAC ralkap 30 leng cu annthi lai tiah zumh asi. hliamhma a tuarmi an tam tiah CDF-Kanpetlet nih a thanh.

Kanpetlet hmunhma ah June 9 kahdohnak lioah a sunghnak fak tuk in a tuarmi SAC ralkap pawl cu June 10 ah CDF-Kanpetlet battalion 2 (Vakok) sakhaan umnak ah thazang tampi in kahdohnak an rak tuah áš­han i zinglei sml 7:00am ah voikhat, chun ah voikhat tiah kahdohnak a fak tiah theih a si.

June 10 nikhat chung kahdohnak ah SAC ralkap a tlawmbik 15 an thi lai, 30 hrawng nih hliamhma an pu i phufonh lei in 2 nih hliam an tuar ve tiah CDF-Kanpetlet nih a langhter. A tuhi ralhrang pawl cu an chuah khawh ti lo caah bawmtu ralhrang phu milu 100 tluk ral bawm ding an auh hna tiah theih asi.

Ralhrang bawmh ding in Mindat in a kalmi uico 100 tluk cu Kamplet khuapi in an chuak i chun 12 pm tluk ah Katin tiva an phanh cang tiah theih asi.

SAC ralkap pawl cu Kyaukhtoo le Mindat infrantry 274 nih 120 MM in kah an bawmh hna caah a pawngkam khua mipi hna cu nikhua chiat lio zongah ramtang ah an zaam dih tiah a langhter.

Cu kahdohnak chungah hriam aa thlau tuk ruangah CDF-Kanpetlet battalion 2 sakhaan cu thlah a si tiah an thanh. Mindat khuapi ralhrang Sakhan lei in Kamlet lei ahcun hriam ngan pehzulh in an kah piak chih hna tiah theih asi.

Be the first to comment

Leave a Reply

Your email address will not be published.


*