Breaking News: Dr. Ngun Cung Lian A Tlau

Breaking News: Dr. Ngun Cung Lian a tlau. Kawl ralhrang ruahnak petu a simi Dr. Ngun Cung Lian a tlau.

Kawlram ah ralhrang nih ruahnak petu ah an sawm i lunglawm tein a cohlang tu Dr. Ngun Cung Lian cu khoika a um zong theih a si ti lo. A thawngpang hrim theih khawh a si ti lo tiah an chim.

Dr. Ngun Cung Lian cu ralhrang sinah a umnak kum khat leng a tling ve cang. Mahhi chung ahhin a muisam hi voi 2 lawng a lang. Ralhrang nih uknak an lak tlawmpal ah khan TV ah siseh media zong ah a thawngpang a lang pah cang.

Kan hnu ah ralhrang nih Union Day an tuahnak zong ah khan Dr. Ngun Cung Lian ai tel lo a muisam a lang lo ti a si. Mah bantuk ni pical ahcun a muisam a lang ding a si. Nikum zong kha a muisam a lang nain tutan cu a muisam a lang ti lo.
Dr. Ngun Cung Lian hi an mah he ai naih niam mi chungkhar zong nih a konglam le a thawngpang an theih khawh ti lonak thla thum hrawng a si cang tiah naih niam mi sin in theih a si.

Dr. Ngun Cung Lian hi pafim a si i ramkhel thiam sang le upadi lei fimthiamnak a ngeimi a si. Min Aung Hlaing nih ruahnak petu ah a sawm hna. Cu a sawm hnu tlawmpal ahcun meeting zong ah a mui a lang pah lengmang. Sinain a mui a langh ti lonak le a thawngpang theih a si ti lonak hi a sau ngaingai cang.

Chin miphun hmai a chiat ter tu a si. Pu Aung Min nih hmunkhat ah riantuan ding in a rak sawm i Pu Aung Min sin ah kum 5 leng rian a tuan. Kum 5 leng rian a tuan hnu ah kum 2015 ah NLD cozah an kai hnu ah a rian a dih i a um sawhsawh.

Cu hnu ah Dr. Ngun Cung Lian nihcun Suu Kyi cu fak piin a soisel tawn. NLD cozah cu fak piin a soisel hna. Kum 2021 ah ralhrang nih uknak an lak i Dr. Ngun Cung Lian cu Min Aung Hlaing nih ruahnak petu ah a sawm colh. A tu ralhrang sin a um hnu ah thla 3 leng a thawngpang theih a si ti lo. A tlau bak in a tlau ko cang.Credit-Thestar

Note: Kawlca in tialmi leh chinmi a si. Website dang nih copy in post chin kan siang lo

Be the first to comment

Leave a Reply

Your email address will not be published.


*