Breaking News – KNLA+KNDO Nih Ralhrang Sakhan Tuzing An Lak

Wolaymyang hmun un ralhrang sakhan pakhat cu KNDO, KNLA i fonh phu nih sakhan an ting tiah thawngpang tha theih a si.

Kayin ramkulh Myawaddy pengkomh , Walamyang peng chung i hram aa bunh mi ralhrang uico pawl hna nih NKDO le KNlA i fonh in an kah hna tuzing khuadei hlan deuh ah khan an sakhan cu an lak khawh cang tiah thawngpang a thang.

Tuzing June 26 zingka tuante ah khan KNDO Le KNLa i fonh in kan va kah i khuadei hlan deuh ah an sakhan cu kan lak khawh tiah KNDO chungte pakhat rian ngeitu nih a chim.

Cuka hmun sakhan ah cun ralhrang uico pawl an unnak a si. June 25 zan in kah hram kan thawk. Nihin zing suimilam 5 am khuadei hlan deuh ah sakhan cu kan lak khawh i an thlam le inn vialte cu mei in kan duah dih tiah a chimchap.

Sakhan kahnak ah kaphnih lei a thimi le hliamtuar kong cu tutiang hi theih khawh a si rih lo. Mah sakhan cu Myanmar-Thailan ramri Myawaddy thlanglei ah a ummi ansi i Ohkalay sakhan tiah an auh mi a si. Ralhrang uico pawl hriamnam le thilril chanhnak le ramri runvennak ding caah biapi in an hman mi a si.DVB

Be the first to comment

Leave a Reply

Your email address will not be published.


*