Breaking News: Min Aung Hlaing A Thli Tein Thah An Timh Cang

Breaking News: Min Aung Hlaing a thli tein thah an timh. Thinphang lungrethei ngai in a um ko cang hih.

Myanmar ram meithal in uknak a la tu Min Aung Hlaing nih uknak a lak hnu ah minung thong leng in mipi a thah cang hna. Kawlram cu kum khat chung ah vawlei cung ram sifak pawl dirhmun ah kan phan than hoi cang.

Uknak a lak hnu ah lamzawh tu mipi kha timh ciamman tein meithal in an kah hna. Siniper hmang in a kah hna. Minung tampi a tlaih hna i a thah hna. Thong ah a thlak hna.

Kan hnu ah khan Min Aung Hlaing cu a mah nih a zumh ngaini le ai bochan ngaimi hmailei kong chim thiam an timi Kawl pawl nih bedin an timi sin ah khin Min Aung Hlaing cu a va kal. Laiholh cun kuttial zoh thiam kan ti ko lai a fawinak in.

Bedin pa sinah Min Aung Hlaing cu a va kal tikah hmailei thil sining ding kong le a luan cia can thil sining pawl kong cu a va hal. Bedin pa nihcun a thli tein thah an in timh. Thah an tim tu an um. Cu thah an timtu hna cu PDF pawl an si lo. Nangmah na kuttang chung ah rian a tuanmi na hawi le an si tiah Bedin nih Min Aung Hlaing cu bia a chimh.

Kawl miphun pawl nihcun mah bantuk bedin hi an zumh tuk mi an si hna caah Min Aung Hlaing zong a tu hi lungrethei taktak in a um ko cang ti a si.

Cu ruang an a kuttang ah rian a tuanmi a hawi le pawl kha a zum ti hna lo. A lung an hring dih cang hna. A zumh deuh lomi poh kha an rian a phuah cang hna. Kan hnu ah khan ralhrang secretary zong kha a rian in a rak phuah cang. Cu pinah Vanlong lei ralkap bawi bik zong a rian in a rak phuah hoi cang i Nay Pyi Taw tanhmu zong a rian in a rak phuah hoi cang. A mah nih a zumh mi kha an reng a kaiter hna.

NUG upa hna nih an chim ning ahcun Kawl ralhrang lah ahcun reng sang pipi lakah kanmah lei ah a thli tein a tang mi tampi an um. CDM zong kan tuahter duh hna lo. An mah ralhrang luban pawl thawngpang le an cawlcangh ning kan theih khawhnak ding ah ralkap chung ah an um ko. Nan meithal kha Min Aung Hlaing hmai ah hoih ter cang uh kan ti hna ahcun ralhrang uknak cu a ziam te ko lai. A can rem le a zat tik ahcun anmah chung ummi kan ralkap pawl zong an cawlcang te lai tiah an chim tawn.

Be the first to comment

Leave a Reply

Your email address will not be published.


*