Breaking News: Min Aung Hlaing Russia A Phanh Hnu Ah Thawngthanhnak Thar A Tuah

Kawlram ralhrang Min Aung Hlaing cu nizan tihni te ah khan a thli tein Russia lei ah a kal diam.Russia a phanh hnu ah le Tatastan President pawl he tonnak an ngeih hnu ah Myanmar ram a naule pWl sin ah thawngthanhnak a hun tuah hna.

Khoika hmun poh ah palik le ralkap nih humhimnak tuanvo tha deuh in la hna uh. Ralhrang sakhan le humhaknak hmun zamtak hlah uh. Rampi caah raltha tein dir uhlaw Russia le a dangdang ram hna he kan ram kong khua kan khan ti cuahmah ko nan lungdong hlah uh tiah thawng a hun thanh ta hna.

Tulio Russia phan Min Aung Hlaing le Russia cu hinak tha deuh in ramkhat le ramkhat i pehtlaihnsk that ter deuh ding in khuakhannak a ngei yiah Russia thawngzamh ca nih an langhter.

Tulio vawlei cung ah kahnak le buainak a tam bikmi cu Ukraine le Kawlram hi an si. Ukraine cu Russia nih a kah. Kawlram cu Min Aung Hlaing nih uknak a lak caah ramchung buainak in a khat.

Min Aung Hlaing le Russai cu ai pehtlai ngaimi an si. Mahhi Putin le Min Aung Hlaing ruang ahhin minung tamtuk an thi cang i inn lo tamtuk a kang cang.

Kum khat reng lo chung ah Kawl ralhrang zong 15,000 leng an thi cang i thla khat hmanh a tlin hlan ah Russia ralkap zong 30000 leng an thi ve cang. An kawifa in buainak rumro an chuah pi ko.

Russia nih Ukraine a kah hlan ah khan cun Kawlram ralhrang cu an van bawmh lengmang hna. Hriamnam tampi a van bawmh tawn hna. Russia raltuknak Vanlong le Helicopter thatha zong cawk ding in Min Aung Hlaing nih min a thut cang.

Sinain ruah lo piin Russia nih Ukraine a van kah caah a kah hnu cun Kawl ralhrang cu hriamnam in a van bawm kho ti lo. A man Russia hriamnam hmanh tamtuk a rawk cang. Putin nih Min Aung Hlaing sinah ralkap thazang bawmhhal han chin ding phun in a um cang.

Be the first to comment

Leave a Reply

Your email address will not be published.


*