Breaking News: PDF Phu Fonh nih Ralhrang Uico Tamtuk an thah hna i 30 lawng an tang caah Ralhrang Hnu aan Kir

Minkin ah uico ralhrang kha-la-yah 87 thazaang 150 le mipi ralkap PDF nili chung pehzulh in an i kap ! Ralhrang uico minung 30 lawng an tang caah hnulei an kir than tiah theih a si.

April 30| 2022

Sagaing ramthen Minkin pengah ralhrang uico phu minung thazaang 150 le mipi ralkap PDF phu i fonh hna he pehzulh in April 25 in 28 tiang nili chung an i kap hna i ralhrang lei tang Pyusawhtible ralhrang pawl minung 30 tluk lawng an tang caah hmaifawng kho lo in hnu ah an kir than tiah MDF Special Force nih thawng an thanh.

Cuka lei kal ralhrang hna cu Kalay peng tat-yin an si hna i an kalpah ah Panset le Taungphu khuate hna i pyusawhti phu an auh pah hna caah ralhang thazaang milu 150 an si lai tiah an ti.

“Sagaing ramthen Minkin ah cun ralhrang vanlawng in a chiah mi hna zong hell ram an kuat dih hna caah Kalay peng chung ralhrang pawl an rak thlah hna hi an si” tiah MDF Special Force nih cun an langhter.

Ralhrang uico phuble mipi ralkap PDF pawl fonh an i kahnak hmun hi Chindwin rili a hmailei thluan ah a si i Pyusawhti phu an thazaang a thawnnak Panset le Taungphyu khua hnulei kam ah a si. Mipi ralkap phu finh hna cu MDF-Special Force၊ DRPA၊ Sagaing PDF tat-yin 3
Shwbo ramkomh tat-yin 9!၊ KPDF 1 hna an si tiah theih a si.

Ralhrang uico pawl cu a thim mi le hliamtuar an tamtuk caah Zinkale khuate cu mei in an khangh than tiah theih a si. Cuticun ralhrang uico phu cu milu 30 tluk lawng an tang caah Kanibhmun Paka khuate lei ah hnu an kir than tiah MDF comando tat-yin nih an langhter.

Be the first to comment

Leave a Reply

Your email address will not be published.


*