Breaking News- Uico Ralhrang nih Mindat Ah Thil Tuah an timh mi cu Tihnung Tuk Cang

Mindat College a rannak in kan on cang lai tiah ralhrang nih an chim.

Chokhleipar -27 | 05 | 2022
Ramkulh le ramthen 14 chungah University, college a tlawmbiknak hmun a si mi Chin ramkulh chung Mindat college le Industry High School hna cu khulrang in onnak kan tuah zok lai tiah ralhrang thawngzamhnak nih an chim.

A liamcia kum 2018-2019 phaisan kum ah Ramkulh phaisai budget kyat 3 billions in an rak sakmi Mindat college cu a ran khawh chung in onnak kan tuah zok cang lai tiah ralhrang nih thawng an thanh.

Mindat collge sak cuaahnak ah hman mi thilril pawl cu Mindat 274 tat-yin pawl nih tat-yin leng chung ah an hman mi a um len tiah khuami hna nih Zalen media ah an chim.

Chin ramkulh chung ah kum 2016 in rak on mi hi Hakha collge lawng a si i kum 2020 ah University ah thlen mi a si. Cuticun Hakha University cu Chin ramkulh chungah a hmasabik University zong a si fawn.

Tuhi Mindat khuapi chung sianginn High School 1,2,3 le ralhrang pawl umnak sianginn pawl telh in nihin May 27 siangngakchia pawl ap a ngah cang an ti nain siangngakchia a ap tu cu an um lo tiah khuami pakhat nih a chim.

Ralhrang uico fimcawnnak zung nihcun May 26 ah siangngakchia ram pumpi huap in ting 16 renglo nih sianginn an rak i ap cang tiah Nihin May 27 ah sn thanh ve.

Be the first to comment

Leave a Reply

Your email address will not be published.


*