Breaking News~Meithal 20 PDF Nih An Motor In An Phorh Lio Ah Ralhrang Nih An Kah Hna Caah Pasaltha 12 Nunnak A Liam

Hriamnam a rak photmi PDF phu kah an tong in minung 12 nunnak a liam. Pathum nih hliam an tuar i an tlaih chih hna tiah theih a si.

Chokhleipar 21/June/2022~ Magwe ramthen chung mipi ralkap PDF phu hna cu hriamnam le thilril a phurmi hna cu ralhrang nih an kah hna caah PdF pasal tha hna 12 nunak a liam i minung pathum nih hliamhma an pi i hliamtuar hna cu an tlaih hna tiah PdF he naihniam sin in kan theih.

PDF phu PoitpyubpengbMezali khua hlei ah Nihin June 22 zingka tuan nawn ah ralhrang uico phu nih an kah hna tiah theih a si.

Anmah nih zingka tuan nawn 3 hrawngah lam cu an rak tan. Mah tin an rak phiat hi a hlankan in thawngpang an rak theihcia dawh a si.Ralhrang nih hngakbuk ahcun an rak bawh hna i PDF nih an kah colh ko hna nain ralhrang lei nih hriam ngan in an kah hna. RPG in an kah hna tik ah a tlami kuan cu a puak i anmotor chung hriam nam thilril pawl zong a puak caah mei nih a kang colh. Mipi ralkap PdF lei in minung 12 nunnak a liam.

Hi ralhrang nih kahnak ah hin hriamnam 20 tluk an sung tiah theih a si.” Kanmah kan ram caah tiah kan pasaltha hna nih anmah le hmunhma chung tiah an si khawh chung in hriamnam an kalpi. Nain tubantuk in thawngpang ralhrang nih an theih hmasat caah a tu bantuk kan ton hi a si “tiah Magwe ramthen PdF he naihniam pakhat nih a chim.Source-People Spring

Be the first to comment

Leave a Reply

Your email address will not be published.


*