BUDDHIST ASEAN MEETING REMDAIHNAK AH SUUKYI I TEL VE SEH

BUDDHIST ASEAN MEETING AT BAGAN ,REMDAIHNAK AH SUUKYI I TEL VE SEH. EAO’sASEAN-ENVOY,CHINA-WANG YI,POL-PARTIES

7th Lancang-Mekhong Conference cu 2-5 July, 2022 tiang Myanmar, China Co-Chair hruainak in Mandalay pengkulh Buddhist Pura Khuapi hlun Pagan ah an tuah.Hi Meetingah hin China Foreign Minister Wangyi le Myanmar Ralkap SAC Foreign Minister Wanna Muanglwin nih an hruai hna i, Cambodia FM Prad Sokhonn, La’os FM Saleumxay Komma Sith, Thailand FM Don Pramudwinai le Vietnam FM Bui Thanhson hna an rak i tel ve.Hi ASEAN members Ram-5 hna hi Buddhist an si i, Mekhong tiva pi a hrawm dih.Sina’in,tutan ah hin China Foreign Minister Wangyi nih ASEAN chungtel lakin hi Buddhist ram-5 cu a bikin an sawm hna i, zumhnak dang Indonesia, Malaysia le Brunei le aadang pawl he ruahnak dang the’n ter an duhmi a lo an ti.

Ralkap Cozah nih nawlneihnak an lak hnu’in Thailand le Cambodia FM ti dah lo cu,cuhlan ah a ho hmanh Myanmar ah an rak tlawng bel rih loh. Tutan “Lancang-Mekong” Conference ah hin, Ram-6 hna nih zeitindah Mekong Tivapi hi kan i hrawmti khawh hna lai i, Hydroelectrics (Ti-meitha)Environmental(Thianhlimhnak lei), Fisheries/Domestics(Nga-tlaih/Pawcawmnak) le Navigation&Security(Ti-lawng/ Venhimnak) kong pawl an i ceih i hnatlaknak tampi an tuah.

Mekhong Tivapi hi China chuhmi Tibetan ram in a thawkmi asi i, China nih cun “Lancang” an ti i, Meng 1200( 4800 Km)tluk asau i, Myanmar ram Shan State, Kyiangtung nichuahnak lei in a luang i, La’os(လာအို) ram he Ramri 234 Km a kan then hnu’ah Thailand Nichuah lei’ah luang ca’ah “Golden Triangle” zong a chuahnak asi. Cun,Cambodia ramah a lut hnu’in Vietnam ram Saigon ah Tiva te-3 ah a then hnu’in S. China Sea(တောင်တရုတ်ပင်လယ်)ah a vai fonh.Lancang – Mekong Tivapi ah hin China nih Hydroelectric Dam(Tikhuahnak) 10 leng a siam cuahmah i, Pakhatah US $-Millions-10 lengmang a hmang i Mekong Tivapi pawng um Mipi tampi nih an duh lonak an rak langhter lencang. Myanmar Shan ram ah hin Taingyinta Shan, Lahu,Luailah le Ann miphun 22000 leng an um ve.

Ralkap Cozah hnu’ah a Vawikhat nak Myanmar arak tlawngmi China Foreign Minister Wangyi nih cun Ralkap Foreign Minister Wanna Muang -lwin he Pagan i Nyanmyint Tower,Bayintnaung Hall ah July-3,11:00 Am an i hmuh nakah,Daw Aungsan Suukyi hruaimi Opposition Party he hmaitonh biaruah tinak nei dingin le Kawlram ah Mipi an temhin tuk cang ca’ah remdaihnak aran nakin nan tuah i, Mipi sinah nawlneihnak nan pek zok zok a hau cang ti’ah a chim. Cun, ASEAN Palai Prad Sokhonn he Chunhnu an i tawnnak ah Wangyi nih cun, ASEAN nih Ralkap Cozah sinah an nawr dingmi cu;- 1. Aungsan Suukyi hruaimi NLD Opposition telhin remnak tlamtling siam ding 2. Lungrual te’in Rampi Thimnak(Election)tuah i Mipi sinah nawlneih -nak pek tha’n 3. ASEAN 5 Points bantuk in a zei lei hmanh hleihluat tanh deuhmi nei lo’in i fonh -tonhnak ser ding ti’ah bia beuhnak a pek fawn.

2-3 July 2022 ah ASEAN Palai Prad Sokhonn nih EAO’s(PPST) Group-7 hruaitu pawl he an i hmuhnak ah RCSS le KNLA(PC) Upa hna nih Daw Suukyi hruaimi NLD pawl remdaihnak i tawn biaceihnak ah telh ve dingin an rak hal. Cupin’ah, Kawlram Political Parties-7 pawl he Yangon ah ton-biaruahnak an nei nak zongah ULA Chairman Dr. Aye Maung nih Aungsan Suukyi hi remdaihnak kong ceihnak ah a tel ve lo’ah cun zeihmanh a tlamtling kho lai lo ti’ah ASEAN Palai sinah a chim ve. Cuca’ah China Foreign Minister Wangyi, ASEAN Envoy Prad Sokhonn, Cambodia PM Hunsan le UN Palai Nolly Heyzer hna nih Ralkap SAC Cozah Gen. MinAungHliang cu Suukyi Thonginn in chuah dingin betak te’in an nawr ca’ah Ralkap Cozah Spokesman Brig.Zawminthun nih cun AP/AFP News sin’ah ” Aungsan Suukyi hi “biaruahnak” ah a tel lai loh ti hi kan chim kho rih loh” ” Ram Politics kongah cun asi kho loh ti mi a um kho loh” ti’ah a chim cang. Tu hnu tlawmpal ah tu hnak ngan deuhmi Rampi Remdaihnak tuah tha’n dawh ngai asi. Hngak rih hna usih.Credit-MC Biklian

Be the first to comment

Leave a Reply

Your email address will not be published.


*