CBCUSA Hruaitu Cu Dr, Thawngling Le Dr. Thlaawr Nih Peh Hna Sehlaw Ka Saduhthah A Rak Si Nain

Tulio kan miphun pi nih sutung bantuk in kan i bochan hna i kan i rinhchan bik mi bu cu CBCUSA lawng hi a um lai dah. Min Aung Hlaing nih uknak a lak hnu lebang ahcun CBCUSA hi biatak tein kan Miphun caah a cawlcangh mi le Chim miphun a dirkamh tu an si.

Min Aung Hlaing dohnak caah tiah CBCUSA nih a cawl ning zoh tik ah tulio hriaitu Rev.Dr. Thawngling Mualhlun le GS Rev.Dr. Thlaawr Bawihrin hi tukum khatkhat te khi cu peh than kho rih hna sehlaw lung cu a hmui ban lai tiah kei nihcun ka rak ruah ning a si. A ruang cu tulio dothlennak thazaang an pek ning le an tan ning zoh tik ah mipi lung a hmui kho taktak.

Tutan CBCUSA hruaitu thar thimnak ah vote thlatu hi upa lawngte in 415 an si hna. Hi hna nih nan tuaktan i Hruaitu Upa caa tiah nan thim mi hna President caah Rev. Dr. Rolin Vanbik le GS caah thimmi Rev. Dr. Ceu Lian Thang zong an thatuk thiamthiam ve ko nain hruaitu hlun bantuk in kan dothlenak ah biapi in lo hma a kal sual lai lo ti khi keimah thinphang in a phang ve.

A ruang cu hruaitu hlin kan ngeimi hna Rev.Dr. Thawngling Mualhlun le GS Rev.Dr. Thlaawr Bawihrin cu tulio dothlennak biapi chiah in an cawlcangh ning fiang tein theihcia mi an si tik ah tukum kumkhat te khi hei pehthan hna sehlaw zeitluk in lo hma an kalpi chinchin lai timi kan i fiang cia caah saduhthah sawh khi a hei si ve ko . Nain tutan thimthar mi hruaitu pawl zong nih zeikhom a si poah ah tulio kan dothlennak hi biapi chiah in hmai ah kan fong pi chin lengmang ko hna swh tiah thlacam bawm ko hna uhsih law Lawmhpi cio hna uhsih.Cred-Cung Bawi Thawng

Be the first to comment

Leave a Reply

Your email address will not be published.


*