CBCUSA Nih Dollars Tam Taktak Bawmhmi CDF-Zophei Nih Hriamnam tam taktak an ser. A Hmanthlak pawl kan van taar chih rak zoh ve.


CDF-Zophei Nih Hriamngan Phun 2 An Serchuah. Chinland Defense Force -Zophei (CDF-Zophei) nih CBCUSA CDF Supporting Committee bawmhnak thawng in hriamngan phun 2 an serchuah cang tiah theih asi.

”CBCUSA CDF Supporting Committee bawmhnak thawng in, CDF-Zophei nih Chanthar fiamthiamnak hmang in; Hriamnam ngan, phunhnih (Zun-12) hrawng Serchuah khawh a si cang. Ruahnak leng tiang hmanh

in a ṭha i, a hmannak le a rianṭuannak zongah santlaihnak le ṭhahnemnak tampi a ngei lai tiah kan zumh” tiah Zophei Information Center nih an Facebook cahmai ah an langhter.

2022 December 16 – SAC nih vanlei in kahdohnak a tuah ruang ah Sagaing ramṭhen, Yinmapin peng, Yinbaungdai khua December 16 zinglei ah a puak rih lo mi hriamngan an tongh ruang ah hngakchia 2 an nunnak a liam tiah khuami hna nih RFA ah an chim.

A nunnak a liam mi hna hi kum 5 hngakchia Mg Htet Bone Naing le thla 7 lawng a si rih mi Mg Hein Thura Kyaw hna an si tiah a chim.Vanlei in kahdohnak an tuah lio ah a taang i a puak rih lo mi hriamngan an tongh i a puah caah an nunnak a liam hi a si tiah khuami 1 nih RFA ah a chim.

Yinbaungdai khua cu SAC ralkap nih August 11-14 tiang vanlei le vawlei lei in fonh in fak pi in kahdohnak a tuah i cu lio ah kum 10-85 kar mipi 19 an nunnak a liam.

RFA nih a khawmhsuat mi cazin ning ah October 1 in November 30 tiang thla 2 chung ah SAC i vanlei, vawlei lei, hriamngan kah ruang le Bomrap buah ruang ah mipi 105 an nunnak a liam cang i 263 an i hliam. A nunnak chung ah hngakchia 15 an i tel i hliam a tuar mi hngakchia 47 an i tel.

“Lionel Messi” Hi Kum (50) A Tlin Hlan Cu Chuih Kho Rih Lai – “Ronaldinho”! Ex Brazilian star “Ronaldinho” nih a teammate thing “Lionel Messi” cu tukum World Cup dih hnu zongah international football hi chuaktaak rih lo ding in a duh.Messi hi tuzan in a vawihnihnak FIFA World Cup final a chuih si lai i, Chanmpion a la kho te hnga maw? 2014 World Cup final ah khan Germany Lakak ah goal khat in an rak sung, A sinain, PSG hmaikai nih hin a mah pumpak in Golden Ball award a hmuh.

 

Kum 35 upa nih hin international football chuahtaak a tim ti theih si, sihmanhseh 2026 World Cup tu ah cun “Albicelestes” ca ah a langh ti lai lonak kong fiang te in a chim.Brazilian hmaikai Ronaldinho nih Barca ah chuihpi mi Lionel Messi nih hin kum tampi international football a chuih khawh rih lai zum in, Tu kum hi World Cup chuih a donghnak maw si lai, ram ca ah kum tampi a chuih khawh rih lai ka zumh, Cun tuzan zongah hin World Cup champion la kho ding in biatak te in a cawl lai zong ka zumh ti ah a chim fawn.

Ka ruah dan ah cun kum 50 tlin hlan a chuih khawh rih lai ka zumh, a ruang cu Messi hi player dang nih ngeih lo mi thiamnak the bik a ngeih ruangah si ti ah Messi cu a fak.

Matupi In A Zaammi SAC Ralhrang Tlaihkhih An Tong!Chin ramkulh Matupi hrambunh SAC ralhrang 140 Battalion in hriamnam tling he a tlizaam mi ralhrang pawl cu December 17 ah SAC ralhrang nih an tlaih tthan hna tiah theih a si.

SAC ralhrang chung in a tlizaam mi an um ruangah December 14.2022 ni thok in SAC ralhrang nih an kawl hna i khualuh chuahnak zong an phihkhar dih hna hnu ah a tu bantuk in ralhrang 3 hna cu hriamnam he tlaihkhih an si tiah theih a si.

Tualchungmi chimnak ah cun Bungtlang tisor kam ah meithal puah thawng kan theih. A zaammi SAC ralhrang pawl le a kawltu hna SAC ralhrang pawl an i kah hnu ah an tlaih tthan hna hi a si tiah an chim.

 



Source link

Add a Comment

Your email address will not be published. Required fields are marked *