CDF KKG le Hawile Nih An Kah hna ibRalhrang Uico Tamtuk an thi

Kalay peng nitlak lei ah nihnih chung pehzulh in ralhrang le mipi ralkap i kahnak a chuak i ralhrang tamtuk an thih caah raltuk vanlawng helicopter an hman caah mipi ralkap lei hnu an kir than.

Chokhleipar | May 4 |2022

Kalay peng nitlailei Shiaphu khua ah ralhrang le Pyusawhti phu molu thazaang a zaleng in May nihnih ah an nam hna caah mipi ralkap lei
CDF-KKG၊ PDF-Kalay၊ CNDF၊ RKDF le Pahkahphah i fonhhna nih an kah hna i pehzulh in May nithum tiang an i kap hna.

Ralhrang hna nih hin hmumthum bak in Shiaphu khua cu hriam ngam le hriam hme he chun he zan he an nam hna caah Chin ralkap phu fonh hna an kah leh ciaman hna i ralhrang phu cu i tuah awk hngal lo in Drone in an kap hnik hna i mipi ralkap nih an ralhrang Drone cu an kah thlak.

Cu hnu ah zanlei suimilam pathum pm tluk ah Kalay in raltuk vanlawng helicopter pahnih in bomb a thlak hna lawng si lo in ground in an nam chih than hna caah mipi ralkap lei cu zanlei suimilam 4pm tluk ah hnu kan i thawng tiah CDF KKG nih thawng an thanh.

Cuticun mipi ralkap phu fonh cu zeihmanh hliamhma um lo tein hnu an kir than khawh hnu ah zaanlei suimilam 5 pm tluk ah ralhrang uico le Pyusawhi phu cu Shiaphu khua chungah an lut kho i mipi inn lo cu mei in an khangh i an hrawk piak hna.

Hi Shiaphu khua nihnih chung i kahnak ah ralhrang uico lei in minung panga nak tlawm an thi i mipi ralkap lei nih hriamnam pali an chuh khawh hna. A nihnihnak i kahnak ah ralhrang uico a thimi zat tlamtling tein theih khawh a si lo tiah CDF KKG nih thawng an thanh.
Chinland Defense Force- Kalay Kabaw Gangaw

Be the first to comment

Leave a Reply

Your email address will not be published.


*