CDF-KKG Pasaltha Nih Ralhrang He an I Kahnak Kong A Tial Mi

Ralhrang uico pawl pa 10 nak tam an thihnak le pasaltha pahnih nih nunnak an pek nak hmun Helohkhua i kahlio a harnak kong CDF-KKF pasaltha nih a phuan mi a si.

Chokhleipar 23 | June | 2022 ~ Ralhrang uico pawl minung pa 10 nak tam an thihnak le kan pasaltha pahnih nih nunnak an pek nak hmun i kahdohnak kong ah hriamnam le kuan le zen pawl an chambau tuk nak kong Chinland Defense Force – Kalay Kabaw Gangaw nih a chim.

Ralhrang thazaang 100 tluk a simi hna ral cu Kalaymyo peng Heloh khuate kam ah June 22 ah khan mipi ralkap pawl nih an kah hna nong kong cu pasal tha CDF -KKG nih social media chung in a chim mi zong tik ah thinlung hi a fak kho taktak a si. Hriamnam le kuan le zen an chambau tuk ruang ah zeitluk harnak an tong timi hmuh tik ah thinlung cu a fak bak ko.

I kahnak ah hin meithal le hriamnam tling lo ruangah kahnak ah aa tel lo mi an tam tuk.keimah tel in. Lai mwithal te ka hmang. A hnu ah sya pakhat sniper ka hmang ka hmang i ralhrang uico pawl ka kah that khawh hna. Nain vanchiatnak ah ka kuan nih a ka dihtak hawi. Harnak kan tong tuk tiah a tial. Hi i kahnak ah hin suimilam pathum tluk a sau i ralhrang uico minung 10 nak tam an thah khawh hna.

Mipi talkap lei in Pah-kah-phah pakhat, Vakok/NA (CNDF) pahnih, PDF Kalay pakhat an zatein pali nih hliamhma an tuar i minung pahnih nih ramle miphun caah nunnak an pek ve. Hriamnam thazaang aa thlau tuk ruangah kan pasaltha pahnih nih nunnak an pek hi a si. Cucaah mipi pawl zeikhom a si poah thazaang rak chuah cio uhlaw kan bawm hram ko uh tiah a chim.

Be the first to comment

Leave a Reply

Your email address will not be published.


*