CDF le CNA hi upat awk an tlak tuk I kan upat tuk veve hna. A mah belte Chin mi nih biatak deuh in kan ruah chih a herh – Thawngpang Dik Thanh Hna Usih

Chokhlei News Install Ve👈👈

CDF le CNA hi upat awk an tlak tuk I kan upat tuk veve hna. A mah belte Chin mi nih biatak deuh in kan ruah chih a herh hringhran ko. Chin mi nih a fek fuan mi ralkap kan i ngeih hrimhrim a herh i cu ral tuknak cu Kan ralkap min hrimhrim in kan mipi nih teinak co hi a dingmi kalning a si tiah kan zumh. Tahchunnak ah tu hrong World Cup kan zoh cio hna i , bawlung teams chungah

tha tein a um mi hna nih bawlung an chuih peng caah an team cio an fek i zoh an nuam vawlei pi nih zoh kan dim lo. Khi ah khin mipi kip nih bawlung kan chuih thiam ve tiah duh poh in bawlung kuin chung ah rak chuak lulh hna sehlaw bawlung teams hna nih bawlung chui loin mipi kip nih chui cio hna sehlaw cucu nih cun a chuah pi dingmi cu zeitluk hmanh in thiam hna sehlaw

a phi cu buainak roknak in a dong kolai. Bawlung teams zong zeitik hmanah upatnak a um kho lai lo i nehnu ah cun bawlung teams ah a ho hmanh an lut duh ti lai lo i teams work a um le um lo zong biapi ah an chiah ti lai lo. Bawlung team work a um ti lo hnu cun thancho nak teinak lam in an tlau cang tinak a si cang ko. Kan miphun ralkap Min hrimhrim hi fekthupin kan dirpi I thazang kan pek a herh hringhran ko. Kan miphun pi ralkap timi min fekfuan tein tha tein kan dirpi lo i kan kalpi lo ah cun

hmai lei ah kan mipi thinlung ah ( Ralkap Team work ) upatnak a um kho ti lai lo. Ka longin upat nak cu kan pek men cio lai nain thinlung taktak ah ( Chin Ralkap ) timi min upatnak a nung kho ti lai lo. Cu tikah chin mi nih ralkap timi thazangpek a har chin lengmang cang lai zeitik hmanh ah ralkap thawng kan ngeih kho ngaingai lai lo. Fekfuan tein ralkap kan ngeih lo ah cun hriamthatha zong kan ngeih kho lai lo. Ngeih kho dirhmun zong phaisa ngeih ko u sihlaw hriam ngan ngeih ngam taktak ding a har cang lai! A ruang cu Khat le khat I zumhnak a fek kho ti lai lo caah khat lei nih ruahnak an chuah ah cun an mah lei ca longah a tha ko lai cu tiah khat lei in an ka in ( a tha tuk kan ti cio lai nain ngeih chia thazang a chuak kho ti lai lo) Kan pongkam state dang vial te nih

cun hriam a control ding ralkap fekfuan an ngeih cang caah an thawng chin lengmang lai i kan nih cu ( miphun pi ralkap a si mi Chin Ralkap timi a fekfuan mi rinh chanh ding mi ngaingai kan ngei kho ti lai lo caah hriamnam le ralkap kong ah hmai lei ceih than le taqlrel than thawnter than kan duh than zongah lam a har chin lengmang cang lai. A ruang cu mah le pengtlang cio cawlcangnak le

mipi nih an cawlcang nak an ruahnak kha a kal nak a tamtuk cang lai caah remnak kong le lungkhat tein tanrual ti nak kong kan ceih than kan va ti lio ah khin theihthiam lo nak le i el nak tu a chuak chin chin lengmang le lam cang lai. ) CNA kan ttanh mi hi a minung pi long khi an dik an fel kan ti caah kan dirhkam hna i kan ttanh mi a si lo Ralkap fekfuan miphunpi nih I ngeih hrimhrim a herh kan ti caah CNA hi kan dirkamh peng biknak cu a si. Catialtu Pu Van Dawt Lian

 

Source link

Add a Comment

Your email address will not be published. Required fields are marked *