CDF-Mara Adviser Saya Bawi Kung nih MDF Mara He Cun kan I Fonh Kho lai lo tiah mahtihin fiang taktak in a chim cang – Thawngpang Dik Thanh Hna Usih


December 15: Khonumthung Media nih CDF Mara le MATC/MDF karlak ah nan i remlonak le Mara phun pakhat le pakhat kar zeiruang ah a tu bantuk in i suk khah nak hi a um tiah an hal i, CDF-Mara lei in saya Bawi Kung nih a lehmi hna cu kan Policy aa khat lo.  Minung nih phunglam a tial. Phunglam nih  minung cu a nunter, Cucaah

phu kip hi ruah bantuk in cung in a hung tla chommi a si lo. Minug nih phu hi kan dirh i, cu minung hna i, thinlung kal ning in cun phunglam le policy zong a hung chuak. Anmah MDF Mara an ralbawizik zong cu kanmah nih ttha tein kan hngalh. Cu MDF an ralbawizik pa nih cu atu le atu a chimmi cu Kal ralkap cu doh hlah u. nanamah nih

zei ti hmanh in nan tei lai lo. CDM zong tuah a hau lo. Kanmah nih Politics kan play lai. Nanmah nih Politics nan thei lo. Politics hi play thiam a herh. Cun Kawl ralkap doh hlah uh, caanttha tu bawh hna usih tiah anmah MDF hna policy cu a chim. Kawl ralhrang kah doh dingin MDF nih an i timhtuahmi a um lo. India lei a ummi Mara hna zong nih

kanmah CDF Mara cu an kan hmuhsak, micheukhat Politics play a thiammi hna nih Mizoram nih dohthlennak an tuah lio zong ah kanmah Mara kan i tel lo.  Asinain thil hmuh lei a phak tik ah Mara District kan hmuh ko.tiah an kan ti. Nain kannih cu Dohthlennak in a chuakmi kan si caah kan ziaphel(chawngkhu) kho lo.  Kan doh khawh chung ralhrang hi kan doh lai. nunnak zong kan pek lai. hmuh awk aa tlakmi caan a si tik ah kan duhmi cu kan hmuh lai. Mara District kan ngah si le kan ngah lai

a doh zong ralhrang hi kan doh lai. Doh caan ah doh duh lo, hmuh lei caan lawng duh. Adang Pengtlang hna zong an hmaikhah a si lo. Cucaah (MDF) bantuk Ramkhel tuaitam ning hi a ttha lo kan ti caah MDF Mara le CDF Mara kan Policy aa dannak a si. Policy aa khat lo ca ah hmunkhat ah i fonh le um tti a ngah lo.  Cu ruang ah cun a si ko tiah a chim. (Interview an tuahmi Ca kha tlangkhat te lawng a tawinak in lehmi a si, palhsualmi cu kan ruat thiam uh, kan peh than lai)

Dr. Lian Hmung Sakhong nih malaysia le India a ummi Lai mino ral doh ah hung kir uh a ti caah Salai Lungthli Tum nih mahth a phomh. Mah bia hi Ralbawi Solomon le Pu Htet Ni nih chim hna sehlaw ngaih a nuam tuk hnga. An mah cu an chim ning tein an tuah bak ve caah mu.

Nain, 1988 uknak lak le 1990 uknak pek duh lo hnu in Pu Zing Cung te pawl ramtang an luh lio ah leklak ramtha a zam colhmi, tuni tiang ram nuam bik ah khua asami, CNF zong ah ram a that hnu 2011 Emergency Conference lawng ah a lutmi, dohthlennak kha phaisa hmuhnak sipuazi ah mer in Hakha ah inntha taktak kyat billion leng man le Yangon inntha tiang a ngei khomi mizer (a nemnak in cun thluak hman zia thiam) kan pafim pawl nih hibantuk bia nan chim ngam cu khuaruahhar khi a si eh, ningzah zong thei pah tuah u.

Mah caan a phak lio cun lohdiam zam colh, midang caan a phak belte ah zam hlah u tiah zamnak hmun lila in hei forh than. Alalalala! fihnung tuk eh.Laimi cu thildik kan ei kho cio lo le nan ka thuat chih hoi lai cuh, hiti ek ceh kan tam caah dakaw fimzer pawl an lal thio hih. By salai Lungthli Tum nih a facebook ah a tialmi a si.

 

 



Source link

Add a Comment

Your email address will not be published. Required fields are marked *