CDF Mara Le MDF Mara Kong Ah Dr. Ngun Cung Lian Le Dr. Sasa

CDF Mara le MDF Mara ahhin Dr. Sasa le Dr. Ngun Cung Lian i dohnak hna a si sual hnga maw?

Politics hi a thuk tukmi le a zir tukmi a si caah hin thil hi ruah lo ning pi in a um khomi a si tawn. Dr. Sasa zong kan ruah lo ning piin NLD party lei ah fak tuk in a rak pil kha mu. Mah bantuk khan ruah lo ning pi in thil a kal khomi a si.

A tu ah Mara le Mara kar ah CDF Mara le MDF Mara kar ah buainak a chuak. Minung nunnak zong a liam cang kha mu. Thil tetuai a si ti lo. Hmai lei zong ah an kar ah kahnak fak a chuak rih lai zumh a um ko.

A fawinak in kan chim ahcun CDF cu Chin Miphun dihlak nih kan theih pimi le dothla ah kan pommi le NUG zong nih a pommi hriamtlai an si. Chinram le Kawlram pumpi caah ral a do cuahmah mi an si. CJDC chungtel zong an si.

Sinain MDF Mara hi CDF le CNA he zong ai pehtlai lem lomi, NUG he zong ai pehtlai lem lomi phu an si. AA sinah tintan va kai i Kawl ralkap kan doh ve lai a timi an si. Kawl ralkap he an i kahnak zong a um rih lo.
Nizan ah CDF Mara le MDF Mara kar ahcun kahnak fak a chuak. CDF lei in minung pakhat nunnak liam i minung pahnih hliam an tuar. MDF cu CDF nih ralhrang tiah an auh cang hna.

MDF hi mipi hriamtlai a kan kap tu ralhrang lei tang an si i mah pumpak miaknak caah a dirmi phu an si caah Dr. Ngun Cung Lian hi a thli in an lei ah tan dawh a si. Dr. Ngun Cung Lian hmang in Min Aung Hlainh bawmhnak zong hmu hna sehlaw theih lo a si.

CDF lei ahhin Dr. Sasa cu a dir bak mi a si. NUG zong nih CDF cu a dirmi a si caah. Dr. Sasa cu Mara miphun nih pacan ah an i ngeihmi a si. Dr. Ngun Cung Lian zong pacan ah an rak i ngeih mi a si ve.

Tutan MDF Mara le CDF Mara buainak hi a chung lei in Dr. Sasa le Dr. Ngun Cung Lian i dohnak zong a si sual kho. A chung lei dohnak kha a phi chuak ah Dr. Sasa le Dr. Ngun Cung Lian i entainak zong hi a phi a chuak te khomi a si. Credit: VN Lian

Be the first to comment

Leave a Reply

Your email address will not be published.


*