CDF Matupi Nih Bomb in Ralhrang 16 An Thah Hna, minung 10 An Kutke Bul

Matupi ah ralhrang uico phu bomb in lampi ah an kah hna i minung 16 nak tlawm an thi i minung 10 leng hliam an tuar.
Chokhleipar

Chin ramkulh Matupi peng Walanpi khua le Kala khua karlak ah June 7 chunhnu zanlei 5 pm ah ralhrang pawl cu bomb pathum bak in an kah hna caah a tlawmbik 16 nak tam an thi tiah mipi ralap phu sin in theih a si. Hliamtuar zong a tlawmbik minung pa10 nak tam an um lai tiah an zumh.

Walanpyi le Kalar khua karlak Va Ngai Ceng hmun ah CDF Matupi nih bomb pathum telh in hriamnam hme he an kah hna caah ralhrang uico para nak tam sn thah khawh hna. Tulio hi Matupi le Paletwa lampi cu ralhrang uico pawl ke in an kal hmuh leng mang an si. Matupi le Pletwa ramri Thebuai khua cu an phanh cang tiah mithmutu hna nih an chim. Tulio cu ralhrang pawl hi motor lam an zulh duh ti lo. Khuate lam deuh an zulh caah suimilam pakhat kal ding cu chun nitlak an kal cang tiah khuami pakhat nih a chim.

Cuvebatuk in Magwe ramthen Yesayu peng Kyikan khuate kam ah ralhrang le a kuttang Pyusawhti pawl nih an rak zulh mi motor Hiket phun pakhat cu June 11 zingka 9am tluk ah PDF pawl nih bomb in an kah ve hna i ralhrang pahnih an thah khawh hna.

Ralhrang hi minung 7 hrawng an si. Minung pahnih an thi i a dang panga hi hliamhma an pu tiah Yesayu PDF nih thanhca an chuah. PDF phu fonh hna hi Yesagyo PDF၊ Northern Yesagyo (N-YSO) ၊ Myaing Rural Guerilla Force၊ Steel Hawk PDF -Myaing Township hna an si.

Be the first to comment

Leave a Reply

Your email address will not be published.


*