CDF Matupi Ralhrang A Thimi Zat Cathanh An Chuah

Chin ramkulh Matupi peng Lailepi khuapi in Matupi lei ah ke in a kalmi ralhrang uico pawl cu CDF Matupi nih voithum an kah hna i ralhrang uico minung 7 an thi tiah theih asi.

Cun minung tampi nih hliamhma an tuar tiah CDF Matupi nih cathanh an chuah. A voikhatnak i kahnak cu July 6 zing 9am tluk ah Ringkhan khua le Amlain khua karlak ah an i kah i ralhrang uico pathum an thah hna. Cuna dang pahnih fakngai in hliamhma an tuar tiah CDF Matupi nih an langhter.

Cu zan ahcun a voihnihnak an kah than hna i ralhrang lei minung 2 an thi than tiah theih asi. Ikahnak ah cun ralhrang pawl cu a thi le hliamtuar an tamtuk caah Ringkhan khua ahcun hnu an kir than i khuami inn pathum mei in an khangh.

Cun July ni 7 ah CNA, CDF matupi le CDF zotung i vawm in Ammilang khua ah a voithumnak an kah than hna i ralhrang minung pahnih an thah than hna. Ralhrang 6 nih faktuk in hliamhma an tuar tiah CDF Matupi nih cathanh an chuah.

Mah ralhrang hna cu Lailenpi in Matupi lei ah ke in June 28 ah a rak i thawh mi hna an si. CNA le CDF matupi, CdF zotung nih an kah hna caah ralhrang uico pawl cu Ammilang khua ah tutiang cu an um rih hna. Tutan ralhrang ke in a ra mi hna hi milu hazaang 100 tluk an si lai tiah theih asi. Source-Zalen

Be the first to comment

Leave a Reply

Your email address will not be published.


*