CDF-Mindat Nih CJDC Cu Zeite Hmanh Ah A Rel Lo, Mindat Pengah SAC Ralhrang Tender Sok A Ngah

Company rianttuan kham lo ah a trha tiah October 2021 ah ka rak chim bal. Company rian an ttuan lo ahcun mizapi phaisa hlawhnak kan ngei lai lo le ramdang ah an chuak lai ka rak ti. (Nain khap a rak si)

Mindat nih Company rianttuannak siannak an pek t’hanmi hmuh tikah ramkhel kalpi ning an lung a pem ti awk in a um. Thil hi kan hlawknak kawl thiam kha a rak biapi tuk.credit- Salai Thawngpi/ Ramthlo


CDF Mindat le Mindat mipi ukhruaitunphu hna nih atu ahcun Mindat peng chungah SAC ralhrang nih auhmi Tender tuan a ngah cang tiah cathanh an hun chuah. CJDC nih tender tuan a ngah lo tiah an kahp mi a si nain CDF Mindat – hruaitu hna nihcun CJDC khamh mi cu zeite hmanh an ruat lo.

Hakha lei ahcun nihin ni tian tender tuan a ngah lo tiah an thlauh rih nain CDF Mindat nihcun an onh hawi cang. Zeiruangah dah kan Chin hriamtlai phu pawl nih hin anmah le mah an i upat kho hnga lo timi hi khuaruahhar ngaingai cu an si ko.

CJDC zong nih hi bantuk ah hin cun tha deuh in an ruat than a herh ko. Mindat lei le paletwa lei lawng tender rian sok onh tung i kanmah lei thlauh hi cu a phung hrimhrim a si lo. Cun CJDC nih tender sok hi a thlauh rih mi a si ko ahcun CDF Mindat zong hi dantatnak an tuah hna ding an si. Anmah duh bak in khua an khang lengmang caah CDF Mindat pawl hi an luan tuk cang.

Be the first to comment

Leave a Reply

Your email address will not be published.


*